Salamo 56:1-13
I le faatonu o le ʻaufaimusika o le “Lupe Filemu i le Mea Mamao.” O le salamo a Tavita. O le Mikitamu.* Ina ua puʻea o ia e tagata Filisitia i Kata.+
56 Le Atua e, ia e manatu mai iā te aʻu, auā ua osofaʻia* aʻu e tagata.
Ua latou faasauā mai pea i le siitaua mai iā te aʻu i le aso atoa.
2 Ua fia maua lava aʻu e oʻu fili i le aso atoa;E toʻatele ua siitaua mai iā te aʻu ma le faamaualuluga.
3 Pe a ou fefe,+ ou te faatuatua atu iā te oe.+
4 Ua tuu loʻu faatuatuaga i le Atua, o lē ou te vivii i ana afioga;Ua tuu loʻu faatuatuaga i le Atua, ou te lē fefe lava.
O le ā se mea e faia e se tagata faatauvaa iā te aʻu?+
5 Ua latou faatigā mai pea i aʻu mea e fai i le aso atoa;E pau le mea e latou te manatu i ai, o le fai lea o se mea leaga iā te a‘u.+
6 Ua latou lalafi ina ia osofaʻia aʻu;Ua latou mata‘ituina oʻu laasaga uma,+Ma lamalama e fasioti a‘u.+
7 Ia teena i latou ona o a latou amioga leaga.
Le Atua e, ia e faatoʻilalo nuu i lou toʻasā.+
8 Ua e faamaumauina le taimi na ou fesolasolataʻi ai.+
Ia e utuina oʻu loimata i lau fagupaʻu.*+
Pe e lē o faamauina ea i lau tusi?+
9 E solomuli oʻu fili i le aso ou te valaau atu ai mo le fesoasoani.+
Ua ou mautinoa i lea mea: Ua faatasi le Atua ma aʻu.+
10 Ua tuu loʻu faatuatuaga i le Atua, o lē ou te vivii i ana afioga;Ua tuu loʻu faatuatuaga iā Ieova, o lē ou te vivii i ana afioga;
11 Ua tuu loʻu faatuatuaga i le Atua, ou te lē fefe lava.+
O le ā se mea e faia e se tagata faatauvaa iā te aʻu?+
12 Le Atua e, e tatau ona ou faataunuu mea na ou tautō ai iā te oe.+Ou te avatu foʻi taulaga o le faafetai iā te oe.+
13 Auā ua e laveaʻiina aʻu mai i le oti+Ma taofia oʻu vae mai i le tautevateva,+Ina ia ou savali ai i luma o le Atua i le malamalama o ē e ola.+
Faamatalaga Pito i Lalo
^ Tagaʻi i le Uiga o Upu.
^ Po o le “fia maua.”
^ O lenei fagupaʻu na fai mai i paʻu o manu.
