Salamo 44:1-26
I le faatonu o le ʻaufaimusika. O le fanauga a Koru.+ O le Masekila.*
44 Le Atua e, ua faalogo o matou lava taliga,Ua faamatalatala mai e o matou augātamā iā i matou+O galuega na e faia i o latou aso,I aso anamua.
2 Na tuliesea e lou aao o nuu ese+Ae faanonofo ai o matou augātamā i inā.+
Na e faatoʻilaloina foʻi nuu ma tutuliesea i latou.+
3 E lē o a latou pelu na fai ai le laueleele ma o latou tofi,+E lē o o latou lima foʻi na latou maua ai le manumalo.+
Ae o lou aao taumatau, ma lau fesoasoani,+ ma le malamalama o ou fofoga,Auā na e fiafia iā i latou.+
4 Le Atua e, o oe o loʻu Tupu;+Ia e poloaʻiina* le manumalo atoatoa* mo Iakopo.
5 O lou mana e matou te tulia ai o matou fili;+O lou suafa foʻi e matou te solia ai i latou e fouvale mai iā i matou.+
6 Auā ou te lē faatuatuaina laʻu ʻaufana,E lē mafai foʻi e laʻu pelu ona faaolaina aʻu.+
7 O oe na faaolaina i matou mai i o matou fili,+O oe fo‘i na faalumaina i latou na feita mai iā i matou.
8 E matou te ofoina atu le viiga i le Atua i le aso atoa,E matou te faafetai atu foʻi i lou suafa e faavavau. (Selā)
9 A o lenei ua e lafoaʻia ma faalumaina i matou,Ua e lē faatasi foʻi ma a matou ʻautau.
10 Ua e faia pea i matou ina ia solomuli mai i o matou fili;+Ua faoa e ē feita mai iā i matou so o se mea e latou te manana‘o ai.
11 Ua e tuuina atu i matou e pei o ni mamoe o le a ʻaina;Ua e faataapeapeina foʻi i matou i nuu.+
12 Ua e faatauina atu lou nuu i se tau itiiti lava;+E leʻi maua se tupe faasili mai i le tau na faatau ai i latou.
13 Ua e faia i matou ma luma i o matou tuaoi,O se mea e tauemu ma faifai mai ai i latou uma o loo siʻomia i matou.
14 Ua e faia i matou o se mea inosia* i nuu,+O se mea e lūlū mai ai ulu o nuu.
15 Ua ou lagona le faalumaina i le aso atoa,Ua ufitia foʻi aʻu i le māsiasi,
16 Ona o le leo o a latou taufaifaiga ma upuleaga,Ona o lo matou fili o loo tauimasui mai.
17 O mea uma nei ua oo iā i matou, ae e matou te le‘i faagaloina oe,E matou te leʻi solia foʻi lau feagaiga.+
18 E leʻi liliuese o matou loto;E le‘i see ese foʻi o matou vae mai i lou ala.
19 Ae ua e tuʻimomomoina i matou i le mea e nonofo ai taʻifau o le vao;Ua e ufitia i matou i le pogisa tele.
20 Afai ua galo iā i matou le suafa o lo matou Atua,Pe faaloaloa atu o matou lima e tatalo i se atua ese,
21 Pe e lē silafia ea e le Atua lenei mea?
E na te silafia mea lilo i le loto.+
22 Ua fasiotia i matou i le aso atoa ona o oe;Ua faitaulia foʻi i matou e pei o mamoe o le a fasia.+
23 Inā tulaʻi ia. Ieova e, aiseā ua e saga tofā ai pea?+
Inā alafaʻi mai ia! Aua e te lafoaʻia i matou e faavavau.+
24 Aiseā ua e natia ai ou fofoga?
Aiseā ua e faagaloina ai lo matou tigā ma le sauāina o i matou?
25 Auā ua ave ifo i matou i le efuefu;Ua pipii foʻi o matou tino i le eleele.+
26 Inā tulaʻi ia e fai ma o matou fesoasoani!+
Ia e laveaʻi* i matou ona o lou alofa faamaoni.+
Faamatalaga Pito i Lalo
^ Tagaʻi i le Uiga o Upu.
^ Po o le “foaʻiina mai.”
^ Po o le “faaolataga tele.”
^ Epe., “se upu faatusa.”
^ Epe., “faaolaina.”
