Salamo 35:1-28
O le salamo a Tavita.
35 Ieova e, ia e tū mo aʻu faasaga i ē o loo tetee mai iā te aʻu;+Ia e tau foʻi ma i latou o ē e faasagatau mai iā te aʻu.+
2 Ia e tago i le talita* ma le talipupuni telē,+Ma ia e tulaʻi e puipui iā te aʻu.+
3 Ia sii aʻe lau tao ma le toʻi mo le taua faasaga i ē o loo tuliloa mai iā te aʻu.+
Ia e fetalai mai foʻi iā te aʻu: “O aʻu o lou faaolataga.”+
4 Tau ina ia māsiasi ma ia faalumaina i latou o loo saʻili e fasioti iā te aʻu.+
Tau ina ia toe foʻi i tua, ma ia faamāina i latou o loo faufau e faia se mea leaga iā te aʻu.
5 Tau ina ia avea i latou e pei o aputi o saito ua lelea i le matagi;Tau ina ia tuliesea i latou e le agelu a Ieova.+
6 Tau ina ia pōuliuli lo latou ala ma ia maseeseeA o tuliloa i latou e le agelu a Ieova.
7 Auā ua latou natia fua se upega e puʻea ai aʻu;Ua latou elia fua se lua mo aʻu.
8 Tau ina ia fano i latou e aunoa ma lo latou iloa;Tau ina ia puʻea i latou i le upega na latou natia;Tau ina ia paʻuʻū i ai i latou ma fano ai.+
9 Ae ou te olioli iā Ieova;Ou te olioli i ana galuega o le faaolataga.
10 E fai atu oʻu ivi uma lava:
“Ieova e, o ai ea se tasi e pei o oe?
E te laveaʻiina lē ua leai se fesoasoani mai i ē ua sili atu ona malolosi,+Ma lē ua leai se fesoasoani ma lē ua mativa mai i ē ua faoa a latou mea.”+
11 Ua tulaʻi mai molimau taufaaleaga,+Ua latou fesili mai i mea ou te lē iloa.
12 Ua latou taui mai lo‘u lelei i le leaga,+Ua ou faavauvau ai.
13 Ae ina ua latou mamaʻi, sa ou ofu i le ʻie talatala;Na ou faatigāina aʻu i le anapogi,Ma ina ua toe foʻi mai laʻu tatalo e aunoa ma se tali,*
14 Na ou fesavaliaʻi ma le faanoanoa e pei o ia o saʻu uō po o soʻu uso;Na ou ifo toʻele ma le faanoanoa e pei o se tasi ua faanoanoa mo lona tinā.
15 Ae ina ua ou tautevateva, na latou olioli ma faapotopoto faatasi;Na latou faapotopoto faatasi e osofaʻia aʻu e aunoa ma loʻu iloa;Na latou saeia foʻi aʻu ma e leʻi fifilemu i latou.
16 Ua matuā tauemu mai iā te aʻu tagata faalēmataʻu,*Ua atigū mai o latou nifo iā te aʻu.+
17 Ieova e, o le ā ea le umi e te silasila pea i ai?+
Ia e laveaʻiina aʻu mai i a latou osofaʻiga,+O loʻu ola tāua* mai i tamaʻi leona.*+
18 Ona ou faafetai atu lea iā te oe i totonu o le faapotopotoga tele;+Ou te vivii atu iā te oe faatasi ma le nuu toʻatele.
19 Aua neʻi fiafia o ē ua ʻinoʻino mai fua iā te aʻu;Aua foʻi neʻi faaʻiviʻivi mata*+ o i latou o ē ua ʻinoʻino mai fua iā te aʻu.+
20 Auā latou te lē o tautatala i upu o le filemu,Ae ua latou faufau faaʻoleʻole e faasaga i ē e fifilemu o le laueleele.+
21 Ua faamamaga mai o latou gutu e tuuaʻia aʻu,Ua faapea mai: “Uē! Uē! Ua matou vāai i ai.”
22 Ieova e, ua e silasila i ai. Aua neʻi e lē tali mai.+
Ieova e, aua e te taumamao mai iā te aʻu.+
23 Inā maleifua mai ma tulaʻi mai e puipuia aʻu,Ieova e, loʻu Atua, ia e puipuia aʻu i laʻu finauga.
24 Ieova e, loʻu Atua, ia e faamasinoina aʻu e tusa ma lau amiotonu;+Aua neʻi o latou fiafia ona o aʻu.
25 Tau ina ia aua ne‘i o latou faapea ifo: “O le mea lea na tatou manana‘o ai.”*
Tau ina ia aua neʻi o latou faapea ifo foʻi: “Ua tatou foloina o ia.”+
26 Ia māsiasi i latou uma ma ia faamāina,O ē o loo fiafia ona o loʻu malaia.
Ia oofu i le māsiasi ma le faalumaina i latou o loo faasausili iā te aʻu.
27 Ae ia alalaga fiafia i latou o loo fiafia i laʻu amiotonu;Tau ina ia fai ane pea i latou:
“Tau ina ia faasilisilia Ieova, o lē e fiafia i le filemu o lana auauna.”+
28 Ona taʻutaʻu atu* lea e loʻu laulaufaiva lau amiotonu+Ma vivii atu iā te oe i le aso atoa.+
Faamatalaga Pito i Lalo
^ O se talita laʻitiiti, e masani ona tauaveina e tagata fanafana ū.
^ Po o le “foʻi mai laʻu tatalo i loʻu fatafata.”
^ Pe atonu “Ua tauemu tagata faalēmataʻu mo se meaʻai.”
^ Po o “tamaʻi leona taanoa.”
^ Epe., “E na o aʻu lava e toʻatasi,” e faasino atu i lona ola.
^ O se gaoioiga taufaaleaga.
^ Po o “Uē! i tatou nei.”
^ E faasino atu i le taʻutaʻu atu lē leoa po o le manatunatu.
