Salamo 30:1-12
-
Suia le faavauvau i le olioli
-
E finagalo malie mai le Atua mo le olaga atoa (5)
-
O le pese o le faapaiaina o le fale. O le salamo a Tavita.
30 Ieova e, ou te faasilisiliina lava oe, auā ua e faatūina a‘e* aʻu;Ua e lē tuuina oʻu fili e olioli ona o aʻu.+
2 Ieova e, loʻu Atua, na ou alaga atu iā te oe mo se fesoasoani, ma na e faamālōlō iā te aʻu.+
3 Ieova e, ua e faatūina aʻe aʻu mai i le Tuugamau.*+
Ua e faaolaina aʻu; ua e faasaoina a‘u mai i le alu ifo i le lua.*+
4 O outou o ona tagata faamaoni, inā usu ia viiga* iā Ieova,+Ia avatu le faafetai i lona suafa paia;*+
5 Auā e puupuu lava le taimi e toʻasā ai o ia,+Ae e finagalo malie mai o ia mo le olaga atoa.+
I le pō e tagi ai, ae i le taeao e alaga fiafia ai.+
6 A o oʻu toʻafilemu, na ou faapea ifo:
“Ou te lē tautevateva lava.”
7 Ieova e, a o e finagalo malie iā te aʻu, na e faatumau lo‘u malosi e pei o se mauga.+
Ae ina ua e natia ou fofoga, na ou atuatuvale ai.+
8 Ieova e, ou te valaau atu pea iā te oe;+Ma ou te ʻaiʻoi atu pea iā Ieova ina ia alofa mai.
9 O le ā le aogā o loʻu oti* pe a ou alu ifo i le lua?*+
Pe e vivii atu iā te oe le efuefu?+ Pe e na te taʻutaʻu atu lou faamaoni?+
10 Ieova e, inā faafofoga mai ia ma ia e alofa mai iā te aʻu.+
Ieova e, ia fai oe ma oʻu fesoasoani.+
11 Ua e suia loʻu faanoanoa i le siva;Ua e aveesea loʻu ʻie talatala, ma ua e faaofu aʻu i le olioli,
12 Ina ia ou usuina* ou viiga ma le lē mapu.
Ieova e, loʻu Atua, ou te vivii atu iā te oe e faavavau.
Faamatalaga Pito i Lalo
^ Po o le “faaeaina.”
^ Po o “Seoli.” Tagaʻi i le Uiga o Upu.
^ Po o le “tuugamau.”
^ Po o le “ia tā ma usuina pese.”
^ Epe., “lana faamanatuga.”
^ Epe., “toto.”
^ Po o le “tuugamau.”
^ Po o le “Ina ia usuina e loʻu mamalu.”
