Salamo 143:1-12
O le pese a Tavita.
143 Ieova e, ia e faafofoga mai i laʻu tatalo;+Ia e liuliualo mai i laʻu ʻaiʻoi atu mo se fesoasoani.
Ia e tali mai iā te aʻu i lou faamaoni ma lau amiotonu.
2 Aua e te faia le faamasinoga o lau auauna,Auā e leai lava se tagata ola e amiotonu i ou luma.+
3 Auā ua tuliloa aʻu e loʻu fili;Ua ia tuʻimomomoina foʻi loʻu ola i le eleele.
Ua ia faanofo aʻu i mea pogisa e pei o i latou ua leva ona feoti.
4 Ua vaivai loʻu loto;+Ua lē toe lagona foʻi e loʻu loto se mea i totonu iā te a‘u.+
5 Ou te manatua aso anamua;Ou te mafaufau loloto i au galuega uma lava;+Ou te naunau e manatunatu* i galuega a ou aao.
6 Ou te faaloaloa atu oʻu lima iā te oe;Ua pei a‘u o se eleele naumati ua galala iā te oe.+ (Selā)
7 Ieova e, ia e tali vave mai iā te aʻu;+Ua mou atu loʻu malosi.+
Aua e te natia ou fofoga iā te aʻu,+Ina neʻi pei aʻu o i latou ua ō ifo i le lua.*+
8 Ia ou faalogo i lou alofa faamaoni i le taeao,Auā ou te faatuatua atu iā te oe.
Ia e faailoa mai iā te aʻu le ala ou te savali ai,+Auā ou te liliu atu iā te oe.
9 Ieova e, ia e laveaʻiina aʻu mai i oʻu fili.
Ou te sa‘ili mo lau puipuiga.+
10 Ia e aʻoaʻo mai iā te aʻu e faia lou finagalo,+Auā o oe o loʻu Atua.
E lelei lou agaga;Tau ina ia taʻitaʻia ai aʻu i le mea laugatasi.*
11 Ieova e, ia e faaola mai iā te aʻu ona o lou suafa.
Ia e lavea‘ia aʻu mai i puapuaga ona o lau amiotonu.+
12 Ia e faaumatia* oʻu fili+ ona o lou alofa faamaoni;Ia e faaumatia foʻi i latou uma e sauā mai iā te aʻu,+Auā o aʻu o lau auauna.+
Faamatalaga Pito i Lalo
^ Po o le “suʻesuʻe.”
^ Po o le “tuugamau.”
^ Po o le “laueleele o ē ua amio saʻo.”
^ Epe., “faafilemu.”
