Nauma 3:1-19
3 Oi talofa i le aai o le faamasaatoto!
Ua matuā tumu o ia i le taufaasesē ma le faomea.
E lē taofia foʻi lona faoa faamalosi o mea!
2 Ua lagona le leo o le sasa ma le paʻō o uili,O taufetuliga a solofanua ma le osooso o kariota.
3 O le tagata tiʻetiʻe solofanua, o le iila o le pelu, o le ʻilaʻila foʻi o le tao,O le toʻatele o tagata ua fasiotia, faapea le faaputuga o tino oti,E lē mafaitaulia tagata feoti.
E latou te tau paʻuʻū i luga o tagata feoti.
4 Ona o le tele o amioga faatalitane a le fafine talitane,O lē ua lalelei ma tauagafau, o se tamaʻitaʻi faataulāitu,Ua ia maileia atunuu i ana amioga faatalitane ma aiga i ana togafiti faataulāitu.
5 “Faauta! Ua ou tetee iā te oe,” ua fetalai mai ai Ieova o ʻau,+“Ou te susu‘e lou pito ofu ma ufiufi ai ou mata;Ou te faaali atu foʻi i atunuu lou lē lavalavā,Ma lou faalumaina i malo.
6 Ou te lafo atu i ou luga o mea leaga,Ma fai oe ma mea inosia;E fai foʻi oe ma taulaʻiga o tauemuga.+
7 O i latou uma e vaavaai atu iā te oe o le a sosola ese mai iā te oe+ ma faapea ane,‘Ua faatafunaina Nineva!
O ai sē e tigā alofa i ai?’
O fea ou te maua mai ai ni ē e faamāfanafana iā te oe?
8 Pe e sili atu ea oe iā Noamoni,*+ na nofo i alāvai o le Naila?+
Na siʻomia o ia i vai;O lona tamaoaiga e mai i le vai, ma o lona pā o le vai lea.
9 Na fai Aitiope ma ona malosi e lē gata mai, faapea foʻi ma Aikupito.
Na fai foʻi Futu+ ma tagata o Lipua ma ona* fesoasoani.+
10 Ae ua faaaunuua foʻi o ia;Ua ave faapagota o ia.+
Ua nutipala fo‘i ana fanau i fetaula‘iga o auala uma.*
Ua latou faia le vili* i ona alii mamalu,Ua noanoatia foʻi ona tagata aloaʻia uma i mea e faamau ai vae.
11 E oo foʻi ina e onā;+E te lafi lava.
E te saʻili atu foʻi i se lafitaga ona o le fili.
12 O ou aai malupuipuia uma ua pei o laau o le mati ua iai ona uluaʻi fua pula;Pe a lūlū, e paʻuʻū ai i le gutu o lē e na te ʻaina.
13 Faauta! O ou fitafita ua iā te oe ua pei o ni fafine.
E matuā matala atu foʻi faitotoʻa o lou nuu i ou fili.
E faaumatia foʻi e le afi faamaufaalava o ou faitoto‘a.
14 Ia e utuina mai vai auā o le a siʻosiʻoina oe!+
Ia faamalosia ou aai malupuipuia.
Ia e alu ifo i le palapala ma soli le ʻele;Ia taofimau i le mea e fai ai piliki.
15 E faaumatia oe e le afi i lea mea.
E fasia oe i le pelu.+
E na te ʻaina oe e pei ona faia e tama‘i sē akerise.+
Ia faatoʻateleina oe e pei o tama‘i sē akerise!
Ioe, ia faatoʻateleina oe e pei o sē akerise!
16 Ua e faatoʻateleina ou tagata faatauʻoa e sili atu i fetu o le lagi.
E sasaeese e le tama‘i sē akerise lona paʻu, ona lele ese ai lea.
17 O ou tagata leoleo ua pei o sē akerise,Ma ou fitafita ua pei o se ʻau tele o sē akerise.
E nonofo i latou i pā maa i le aso mālūlū,Ae pe a susulu mai le lā, ona latou felelei ese lea;Ua lē iloa foʻi e se tasi le mea ua iai i latou.
18 Le tupu o Asuria e, ua tautulemomoe ou leoleo mamoe;Ua nonofo ou tagata mamalu i o latou fale.
Ua taapeape ou tagata i luga o mauga,Ma ua leai se isi e faapotopotoina i latou.+
19 Ua leai se mapu i ou mala.
Ua lē mafai foʻi ona togafitia lou manuʻa.
E pati lima foʻi i latou uma ua faalogo i le tala e uiga iā te oe;+Auā o ai sē e leʻi puapuagatia i au faiga sauā faifai pea?”+
Faamatalaga Pito i Lalo
^ E faasino atu iā Tese.
^ Epe., “ou.”
^ Tagaʻi i le Uiga o Upu.
^ Epe., “i le mea e amata mai ai auala uma.”
