Ieremia 10:1-25
10 Le aiga o Isaraelu e, inā faalogo mai ia i le afioga a Ieova ua fetalai mai ai iā te outou.
2 O le mea lenei ua fetalai mai ai Ieova:
“Aua neʻi o outou aʻoaʻo i le ala o atunuu,+Aua foʻi neʻi fefefe i faailoga o le lagi,Auā ua fefefe ai atunuu.+
3 Auā o tū a nuu o mea pepelo* ia.
Ua na o se laau o le vaomatua ua tātuu i lalo,O le galuega na faia e lima o le tufuga i lana meafaigaluega.*+
4 Ua latou teuteuina i le siliva ma le auro+Ma faamauina i le samala ma fao, ina ia lē pa‘ū ai.+
5 E pei o se faatagata taufaafefe i le togākukama, e lē mafai ona latou tautatala;+E ao ona fesiitaʻi i latou auā e lē mafai ona savavali.+
Aua le fefefe iā i latou, auā e leai se mea leaga e mafai ona latou faia,E lē mafai foʻi ona latou faia se mea lelei.”+
6 Ieova e, e leai lava se isi e pei o oe.+
E sili oe, ma o lou suafa foʻi e sili ma e faailoa mai ai lou malosi.
7 O ai ea sē e lē mataʻu iā te oe, le Tupu o atunuu e,+ auā e tatau lea iā te oe;Auā e leai lava se isi e tusa ma oeI tagata atamamai uma o atunuu ma o latou malo uma.+
8 O i latou uma lava, e lē mafaufau lelei ma ua valelea.+
O le faatonuga mai i se laau e pepelo* ia.+
9 Ua aumaia le siliva ua faamafolafola mai i Tasesa+ ma le auro mai i Upasa,O le galuega a le tufuga, ma galuega a lima o le tufuga fai uʻamea.
O o latou ofu ua faia i le filo lanu moana ma le fulufulu mamoe lanu violē.
O galuega uma na a tagata tomai.
10 A o Ieova, o le Atua moni lea.
O ia o le Atua soifua+ ma o le Tupu e faavavau.+
O lona toʻatamaʻi e lūlūina ai le lalolagi,+Ma e leai se atunuu e mafai ona tatalia lona toʻasā.
11 * Ia faapea ona outou fai atu iā i latou:
“O atua e leʻi faia le lagi ma le lalolagiO le a faaumatia mai i le lalolagi ma lalo ifo o lenei lagi.”+
12 O Ia o Lē na faia le lalolagi i lona mana,O Lē na faatumauina le laueleele i lona atamai,+Ma o Lē foʻi na fofola le lagi i lona malamalama.+
13 Pe a tulei mai lona siʻufofoga,Ona taalili ai lea o vai i le lagi,+Ma ua ave aʻe e ia o ao i le lagi* mai i tuluʻiga o le lalolagi.+
Ua faia e ia o uila* mo le timu,Ma ua aumaia e ia le matagi mai i ona fale teuoloa.+
14 Ua gaoioi ma le lē mafaufau lelei tagata uma, ma ua leai so latou poto.
E faalumaina tufuga fai uʻamea uma ona o le faatusa ua tā;+Auā o le mea pepelo lana faatusa uʻamea,*Ma e leai foʻi se ola* iā i latou.+
15 E faatauvaa i latou, o se galuega ua tauemua.+
E fano i latou i le aso o lo latou faasalaga.
16 E lē pei le Tofi o Iakopo o nei mea,Auā o ia o le Mataisau o mea uma,Ma o Isaraelu o le tootoo o lona tofi.+
O Ieova o ʻau o lona suafa lea.+
17 Inā faapotopoto ia lau avega mai i le eleele,O oe na le fafine o loo nofo ma le mafatia.
18 Auā o le mea lenei ua fetalai mai ai Ieova:
“Ou te lafo* i fafo tagata o loo nonofo i le eleele i lenei taimi,+Ma ou te faapogaia lo latou puapuagatia.”
19 Oi talofa iā te aʻu ona o loʻu manuʻa!+
Ua lē mafai ona togafitia loʻu manuʻa.
Ma ua ou faapea ane: “O loʻu maʻi lava lenei, ma e tatau ona ou tauaveina.
20 Ua faatafunaina loʻu faleʻie, ma ua motusia maea uma o loʻu faleʻie.+
Ua ō ese laʻu fanau mai iā te aʻu, ma ua leai i latou.+
Ua leai se isi o totoe e fofolaina atu loʻu faleʻie, pe faatūina foʻi ʻie o loʻu faleʻie.
21 Auā ua lē mafaufau lelei leoleo mamoe,+Ma ua latou lē saʻili atu iā Ieova.+
O le mea lea ua latou gaoioi ai e aunoa ma le tofā mamao,Ma ua taapeape ai a latou lafumanu uma.”+
22 Faalogo! O le tala! Ua oo mai le tala!
O le patapatatū leotele mai i le nuu i le itu i mātū,+Ina ia avea aai o Iuta ma mea ua faagaogaoina, o le mea e nonofo ai taʻifau o le vao.+
23 Ieova e, ua ou iloa lelei, e lē o i le tagata lona ala.
E lē o i le tagata foʻi e savali ona faatonuina le mea e ui ai o ia.+
24 Ieova e, ia e faasaʻo mai iā te aʻu i lou faamasinotonu,Ae e lē o lou toʻasā,+ ina ia aua neʻi e faaumatiaina aʻu.+
25 Ia e sasaa atu lou toʻasā i luga o atunuu e lē o amanaʻiaina oe,+Ma luga o aiga e lē o valaau atu i lou suafa.
Auā ua latou ‘aina Iakopo,+Ioe, ua latou ʻaina lava o ia se‘ia oo ina faaumatia o ia,+Ua latou faatafunaina foʻi lona nuu.+
Faamatalaga Pito i Lalo
^ Po o “mea faatauvaa.”
^ Po o le “mātau.”
^ Po o le “faatauvaa.”
^ Fuai. 11 na uluaʻi tusia i le gagana Arama.
^ Pe atonu “o faitotoʻa.”
^ Po o “ausa.”
^ Po o le “faatagata ‘apamemea.”
^ Po o le “mānava.”
^ Po o le “fetogi.”
