Hosea 3:1-5
3 Ona fetalai mai lea o Ieova iā te aʻu: “Inā toe alu ia, ma ia e alofa i lau avā ua alofa i ai se isi tamāloa ma ua mulilua ai,+ e pei o le alofa o Ieova i le fanauga a Isaraelu+ a o latou liliu atu i isi atua+ ma fiafia e ofo atu i ai keke vine.”
2 Ona ou faatauina lea o ia mo aʻu i tupe siliva e 15, ma le tasi ma le ʻafa fua o le somera* o le karite.
3 Ona ou fai atu lea iā te ia: “O le a e nofo faatasi ma aʻu mo le tele o aso. Ia aua lava neʻi e talitane,* ma aua lua te momoe ma se isi tamāloa; e ta te lē momoe foʻi.”
4 Auā e umi se taimi* o le a nonofo ai le fanauga a Isaraelu e aunoa ma se tupu,+ e aunoa ma se perenise, e aunoa foʻi ma se taulaga, e aunoa ma se poutū paia, e aunoa ma se efota+ ma tupua o terafimi.*+
5 Mulimuli ane, ona toe foʻi mai lea o le fanauga a Isaraelu ma saʻili iā Ieova lo latou Atua+ ma Tavita lo latou tupu,+ e latou te ō mai foʻi ma le gatete iā Ieova ina ia maua lona agalelei i faaiʻuga o aso.+
Faamatalaga Pito i Lalo
^ Po o le “faitaaga; feusuaʻi solo.”
^ Epe., “tele aso.”
^ Po o “atua o aiga; faatagata.”
