Faataoto 7:1-27
7 Loʻu atalii e, ia e tausi i aʻu upu,Ma teu i lou loto aʻu poloaʻiga e pei o se oloa tāua.+
2 Ia e tausi i aʻu poloaʻiga ma e ola ai;+Ia e puipui i aʻu faatonuga* e pei o le ʻiʻoimata o lou mata.
3 Ia nonoa ia mea i ou tamatamaʻilima;Ia tusia i le papamaa o lou loto.+
4 Ia e fai atu i le atamai, “O oe o loʻu tuafafine,”
Ma ia e taʻua le malamalama “o lo‘u tauaiga,”
5 Ina ia leoleoina ai oe mai i le fafine agasala,*+Mai i le fafine e amio lē mamā* ma ana faaupuga faagauloto.*+
6 Na ou tū i le faamalama o loʻu fale,Ma vaai ifo ai mai i le faamalama,*
7 Ma a o oʻu tilotilo atu i ē e leai se poto masani,Na ou iloa atu ai i tauleleʻa se tasi o tauleʻaleʻa ua leai sona mafaufau.*+
8 Na ia ui ane i le ala e latalata i le tulimanu e nofo ai le fafine,Ma agaʻi atu i le fale o le fafine
9 I le tau pogipogi, i le afiafi,+A o lata ina pō ma pogisa.
10 Ona ou vaaia lea o se fafine ua fetaui ma ia,Ua ofu le fafine i ofu talitane+ ma e faitogafiti lona loto.
11 Ua malomaloā ma lotomalosi le fafine.+
E lē mau o ia* i le fale.
12 O le tasi taimi ua i fafo o lona fale, a o le isi taimi ua iai i nofoaga faitele,Ua lamalama foʻi o ia i tulimanu uma.+
13 Ua tago atu le fafine iā te ia ma sogi iā te ia;Ua lē mā o ia, ma ua faapea atu i le tauleʻaleʻa:
14 “Sa ou ofoina atu taulaga faifaatasi.+
Na ou avatu i le asō mea na ou tautō ai.
15 O le mea lea ua ou sau ai e faafetaiaʻi iā te oe,E sa‘ili iā te oe, ma o lea ua ou maua oe!
16 Ua ou fofola loʻu moega i ‘ie afu mananaia,O ʻie lino felanulanua‘i mai i Aikupito.+
17 Ua ou sausau loʻu moega i le muro, o le aloe, ma le kinamoni.+
18 Sau ia, seʻi faamalie i taʻua i le alofa seʻia oo i le taeao;Seʻi ta fiafia faatasi i fefaaalia‘iga o le alofa,
19 Auā e lē o i le fale laʻu tane;O loo malaga o ia i se mea mamao.
20 Ua alu o ia ma ave le ato tupe,E lē toe foʻi mai i le fale se‘ia vaaia le masina ua atoa.”
21 Ua taʻitaʻisesēina e le fafine o ia i le tele o ana upu faatauanau.+
Ua ia faatosina iā te ia i ana faaupuga faagauloto.
22 Ona faafuaseʻi lea ona mulimuli atu o le tauleʻaleʻa iā te ia, e pei o se povi poʻa ua alu atu ia fasia,E pei o se vale o le a faasalaina i laau faamau,*+
23 Seʻia ati se aū i lona ate;E pei ona faavave atu o se manulele i se mailei, e na te lē iloa e matuā lamatia ai lona ola.+
24 O lenei, o‘u atalii e, inā faalogo mai ia iā te aʻu;Ia uaʻi mai i upu ou te fai atu ai.
25 Aua neʻi liliu atu lou loto i ala o lea fafine.
Aua foʻi neʻi e sē i ona ala,+
26 Auā ua ia faapogaia le paʻuʻū o le toʻatele ma fasiotia ai,+Ma e anoanoaʻi i latou ua ia fasiotia.+
27 O lona fale e tau i le Tuugamau;*E alu ifo i potu pogisa o le oti.
Faamatalaga Pito i Lalo
^ Po o “tulafono.”
^ Po o le “faatosina.”
^ E lē o se faamalama tioata ae e faia i fasi laupapa felavasaʻi.
^ Po o le “ua leai se uunaʻiga lelei o le loto.”
^ Epe., “E lē tumau ona vae.”
^ Po o le “faasalaina i le faamau o vae i laau faamau.”
^ Po o “Seoli.” Tagaʻi i le Uiga o Upu.
