O le Tusi i le Faapotopotoga i Efeso 2:1-22
2 Ua faaolaina foʻi outou e le Atua, e ui ina outou oti ona o a outou mea sesē ma agasala,+
2 lea na outou savavali ai e tusa ma le faiga o mea a* lenei lalolagi,+ e tusa foʻi ma le pule a le taʻitaʻi o le ʻea,+ o le agaga lea+ o loo galue i fanau e lē usiusitaʻi.
3 Ioe, o i tatou foʻi sa amio faatasi ma i latou muamua, e tusa ma tuʻinanauga o le tino,+ na faia foʻi mea na manaʻo i ai le tino atoa ma o tatou mafaufau,+ na tatou fananau mai foʻi o le fanauga o le toʻasā+ e pei o isi uma.
4 A o le Atua o lē e tele le alofa mutimutivale,+ ona o lona alofa tele lea ua ia alofa mai ai iā i tatou,+
5 ua ia faaola faatasi ai i tatou ma le Keriso e ui ina oti i tatou ona o a tatou mea sesē,+ ae o lona agalelei faifua ua ia faaola ai outou.
6 Na ia faaeaina foʻi i tatou ma faanonofo faatasi i tatou i mea o i le lagi e autasi ma Keriso Iesu,+
7 ina ia faaalia ai e ia i faiga o mea a lenei lalolagi* o loo fotua‘i mai le matuā tele o lona agalelei faifua, i lona agalelei tele mai iā i tatou o ē ua autasi ma Keriso Iesu.
8 O lenei agalelei faifua ua faaolaina ai outou e ala i le faatuatua,+ e lē ona o a outou galuega; ae ona o le meaalofa a le Atua.
9 E leai, e lē ona o galuega,+ ina neʻi maua e se tasi ni mea e mitamitavale ai.
10 O i tatou o le galuega a le Atua,+ ma o lo tatou autasi ma Keriso Iesu+ ua foafoaina ai i tatou mo galuega lelei, ia na muaʻi faatulaga mai e le Atua mo i tatou e fai.
11 O lea la, ia outou manatua o outou o tagata o nuu ese e tusa ma le tino, na iai le taimi na taʻua ai outou o tagata “e lē peritomeina” e i latou ua “peritomeina” i le tino lea na faia i lima o tagata.
12 O le taimi foʻi lenā na aunoa ai outou ma Keriso, na vavaeese mai i le nuu o Isaraelu, ma o tagata ese i feagaiga o le folafolaga;+ na leai foʻi so outou faamoemoe ma na aunoa outou ma le Atua i le lalolagi.+
13 A o lenei, ona o le autasi ma Keriso Iesu, o outou o ē sa matuā mamao ese mai i le Atua, ua outou faalatalata mai nei iā te ia ona o le toto o Keriso.
14 Auā na aumaia e Keriso le filemu iā i tatou,+ o ia foʻi na tuufaatasia vaega e lua,+ ma soloia le pā lea na vaeluaina ai.+
15 O lona tino foʻi ua ia faaumatia ai le feitagaʻi, o le Tulafono lea ua iai poloaʻiga ma faatonuga, ina ia tuufaatasia vaega e lua e autasi ma ia, ma fai ma tagata fou,+ ma ia faatupu ai le filemu,
16 ma ia faaleleia atoatoa ai ma le Atua o vaega e lua ina ia fai ma tino e tasi, e ala i le laau na faapuapuagatia ai,*+ auā na ia faaumatia le feitagaʻi+ e ala iā te ia.
17 Na maliu mai o ia ma folafola atu le tala lelei o le filemu iā te outou, o ē sa mamao ese atoa ma ē ua latalata mai,
18 auā o ia ua mafai ai e i tatou, o vaega e lua, ona saʻoloto e faalatalata atu i le Tamā, i le agaga e tasi.
19 O le mea lea ua lē o toe avea ai outou o ni tagata ese ma ē e aumau,+ ae ua avea ma tagatānuu+ faatasi ma le ʻaupaia, ma o tagata foʻi o le aiga o le Atua,+
20 ma ua atiaʻe outou i luga o le faavae o le ʻauaposetolo ma le ʻauperofeta,+ a o Keriso Iesu o le maa tulimanu o le fale.+
21 O le autasi ma ia, ua fesootaʻi faatasi lelei ai le fale atoa,+ ma ua tupu aʻe e avea ma malumalu paia mo Ieova.*+
22 O le autasi ma ia, ua atiaʻe faatasi ai foʻi outou e avea ma nofoaga e afio ai le Atua i le agaga.+
