O le Tusi Lona Lua i le Faapotopotoga i Korinito 2:1-17
2 Auā ua ou manatu ou te lē toe alu atu iā te outou ma le faanoanoa.
2 Auā afai ua outou faanoanoa ona o aʻu, o ai la o totoe e na te faafiafiaina aʻu seʻi vaganā ai ē na faanoanoa ona o aʻu?
3 Na ou tusia lenei lava mea, pe a ou alu atu ou te lē faanoanoa ai lava ona o i latou e tatau ona ou olioli ai, auā ua ou mautinoa o mea ua ou olioli ai, ua olioli ai foʻi outou uma.
4 Auā o le tele o puapuaga ma le atuatuvale o le loto, na ou tusi atu ai iā te outou ma le maligi tele o loimata, e lē ina ia outou faanoanoa ai,+ ae ina ia outou iloa ai le tele o loʻu alofa iā te outou.
5 O lenei, afai na faatupuina e se tasi le faanoanoa,+ ua ia faatupuina le faanoanoa o outou uma ae e lē o aʻu. Ou te lē manaʻo e soona lafo atu ni upu ona o lenei mea.
6 Ua lava le aʻoaʻiga ua avatu e le toʻatele o uso i lenā tagata;
7 o lea la, e tatau nei ona outou faamagalo atu ma le agalelei, ma faamāfanafana atu iā te ia,+ ina ia aua neʻi lofitūina lenā tagata i le faanoanoa tele.+
8 O lea ua ou apoapoaʻi atu ai iā te outou, ia faailoa atu lo outou alofa mo ia.+
9 O le mea foʻi lea ua ou tusi atu ai iā te outou: ina ia outou faamaonia mai iā te aʻu o loo outou usiusitaʻi i mea uma.
10 Afai ua outou faamagalo atu se mea sesē a se tasi, ou te faia foʻi faapea. O le mea moni, o so o se mea ou te faamagalo atu, (pe afai ua ou faamagalo atu i se mea) ua faia faapea mo lo outou lelei i luma o Keriso,
11 ina neʻi faasesēina i tatou e Satani,+ auā tatou te lē vālea i ana togafiti.+
12 Ina ua ou taunuu i Teroa+ e folafola le tala lelei e uiga i le Keriso, ma na faaavanoa mai iā te aʻu se faitotoʻa i le Alii,
13 e leʻi toʻafilemu loʻu loto* ona o le lē maua o Tito+ loʻu uso. O lea na ou faamavae atu ai iā i latou ma ou alu ai i Maketonia.+
14 Ae e faafetai i le Atua o lē e na te taʻitaʻia pea i tatou i le solo o le manumalo faatasi ai ma Keriso, ma o le poto iā te ia ua pei o se manogi lelei ua faasalalauina i so o se mea, e ala iā i tatou!
15 Auā o i tatou o le manogi lelei o Keriso i le Atua, i ē o le a faaolaina ma i latou o le a faaumatia;
16 o ē o le a faaumatia e oo i ai le manogi o le oti e iʻu ai i le oti,+ a o ē o le a faaolaina e oo i ai le manogi o le ola e iʻu ai i le ola. O ai foʻi ua agavaa mo nei mea?
17 O i matou, auā matou te lē o suʻe tupe i le afioga a le Atua+ e pei o le toʻatele o isi, ae ua matou tautatala atu ma le faamaoni uma o ni ē ua aauina mai e le Atua, ioe, i le silafaga a le Atua faatasi ai ma Keriso.
Faamatalaga Pito i Lalo
^ Ele., “agaga.”
