Se Teineitiiti Lotofoaʻi

TALU AI NEI, na tuueseese ai e se teineitiiti e iva ona tausaga i Pasili sana tupe na teu i ni vaega se lua—18 tālā ma le 25 tālā. Na ia tuu le tupe itiiti i le pusa o meaalofa i le Maota mo Sauniga, e fesoasoani mo tupe faaalu a le faapotopotoga. Ona ia auina atu lea o le tupe telē i le ofisa o le lālā o Molimau a Ieova, faatasi ai ma se tamaʻi tusi. Na taʻua i lana tusi e faapea: “Ou te manaʻo e avatu lenei meaalofa mo le galuega i le lalolagi aoao. O loʻu faanaunauga ia fesoasoani i le toʻatele o uso ma tuafāfine i le lalolagi atoa e talaʻi le tala lelei. Ou te foaʻi atu ma oʻu lagona māfana ma le alofa tele iā Ieova.”

Na aʻoaʻo e mātua o lenei teineitiiti le tāua o le faia o sona sao patino i le galuega talaʻi o le Malo. Na la tāmau foʻi i lona loto le manaʻoga, ‘ia āva iā Ieova i ana ʻoa.’ (Faata. 3:9) I le pei o lenā teineitiiti, tau ina ia tatou faia uma ma le maelega so tatou sao i le faaauilumaina o manaʻoga o le Malo, e lē gata i le mea o loo tatou iai ae faapea foʻi i le lalolagi aoao!