O le faatulagaga o le faateʻaina, e puipuia ai le faapotopotoga ma aʻoaʻia ai le tagata faimea sesē e lē salamō. (1Ko 5:6, 11) E tatou te faaalia le alofa pe a tatou lagolagoina lenei aʻoaʻiga mai iā Ieova. E faapefea ona fai atu e faaalia ai le alofa, a o lea e tigā ai ē uma o loo aafia ai, e aofia ai tauaiga vavalalata ma sui o le komiti faafaamasinoga?

O le mea e sili ona tāua, e tatou te faaalia ai le alofa iā Ieova e ala i le puipuia o lona talaaga lelei, ma le tausia o ana tapulaa e tusa ai o le tulaga paia. (1Pe 1:14-16) E tatou te faaalia ai foʻi le alofa i le tagata ua faateʻaina. E ui o aʻoaʻiga malolosi o se mea e tigā ai, ae e fua mai ai “fua o le filemu, o le amiotonu lea.” (Epe 12:5, 6, 11) E tatou te teena le aʻoaʻiga a Ieova pe a tatou faifaimea faatasi ma se tagata faateʻaina, po o se tasi ua vavae ese mai i le faapotopotoga. Ia manatua, e aʻoaʻi “faatatau” e Ieova ona tagata. (Ie 30:11) E tatou te faamoemoe o le a toe foʻi mai ē ua faateʻaina i lo tatou Tamā alofa mutimutivale. Ae i le taimi e tasi, ia tatou lagolagoina le aʻoaʻiga a Ieova, ma faia mea uma ina ia faatumauina ai se faiā lelei mai ia.​—Isa 1:16-18; 55:7.

MAIMOA I LE VITIŌ TUMAU FAAMAONI MA LE LOTOATOA, ONA TALI LEA O FESILI NEI:

• O ā tigā e oo i mātua Kerisiano pe a tuua e se isi o le fanau Ieova?

• E faapefea ona fesoasoani le faapotopotoga i sui faamaoni o le aiga?

• O le ā se tala faale-Tusi Paia e aʻoaʻoina mai ai le sili atu ona tāua o le faamaoni iā Ieova nai lo o tauaiga?

• E faapefea ona tatou faamuamua le faamaoni iā Ieova nai lo o tauaiga?