I aso nei, ua vave ona maua e le faitau miliona o tagata faamatalaga e ala i lomiga, o le leitiō, televise ma le initaneti. O ē e tapuaʻi i “le Atua faamaoni,” e lē mananaʻo e faasalalau atu ni faamatalaga sesē, e tusa pe e leʻi fuafuaina. (Sl 31:5; Eso 23:1) E telē se aafiaga o le faasalalauina o tala sesē i isi. Pe a iloilo pe saʻo se faamatalaga, ia fesili ifo:

• ʻPe e maufaatuatuaina le puna o le faamatalaga?’ Atonu o le tagata o loo faamatalaina le tala, e na te lē iloa faamatalaga moni uma. E masani ona suia faamatalaga e taʻu mai e le isi tagata i le isi, o lea, ia faaeteete pe a e lē iloa po o ai na amataina le tala. Talu ai o i latou e iai faaeaga i le faapotopotoga e vaai i ai o ni puna o faamatalaga maufaatuatuaina, e ao la ona latou matuā faaeteete i le faasalalauina o tala e leai ni faamaoniga

• ʻPo o se faamatalaga taufaaleaga?’ Pe afai o se tala e taʻuleagaina ai se igoa lelei o se tagata po o se vaega, e lē tatau la ona toe faamatalaina atu.​—Fat 18:8; Fil 4:8

• ʻPo o se faamatalaga e mafai ona talitonuina?’ Ia faaeteete pe a faalogo i ni tala po o ni mea e tutupu e faateʻia ai

MAIMOA I LE VITIŌ E FAAPEFEA ONA OU ʻALOFIA LE FAITALA? ONA TALI LEA O FESILI NEI:

• 

  E tusa ai ma le Faataoto 12:18, o ā aafiaga lē lelei o faamatalaga?

• 

  E faapefea ona fesoasoani le Filipi 2:4 iā i tatou ina ia paleni pe a talanoa e faatatau i isi?

• 

  O le ā e tatau ona tatou faia pe a fai e nisi ni tala uiga lua pe taufaaleaga e faatatau i isi?

• 

  A o leʻi faia se tala e faatatau i se isi, o ā fesili e tatau ona tatou fesili ifo ai?