4:16-18

Seʻi faaata ni aiga se lua o loo nonofo i se fale tuai ua pala. O le isi aiga o loo faanoanoa, a o le isi aiga o loo fiafia pea. Aiseā? Talu ai ua toeitiiti ō le aiga lona lua i se fale fou.

E ui “o loo ōi faatasi pea ma tigā faatasi foafoaga uma e oo mai i aso nei,” ae ua iai i auauna a Ieova se faamoemoe e faamalosia ai i latou. (Ro 8:22) Ua tatou iloa o o tatou faafitauli i le taimi lenei ma faafitauli ua tele tausaga o tatou mafatia ai, “e puupuu ma māmā” pe a faatusatusa atu i le ola e faavavau i le lalolagi fou a le Atua. O lea, o le taulaʻi atu i faamanuiaga o le Malo o le Atua, e fesoasoani e maua ai pea le fiafia ma lē faavaivai ai.