E toʻatele e manatu e leai se vaifofō o faafitauli o le a fesagaʻia e le lalolagi i le 2024. Peitaʻi, e iai le faamoemoe mo i tatou i le lumanaʻi. O fea e maua ai?

 Ua folafola mai e le Tusi Paia, o le a foʻia e le Atua faafitauli ua faigatā ai o tatou olaga i aso nei. Ua toe o se aga ona ʻsoloiesea lea e le Atua o loimata uma i o tatou mata, e lē toe iai se oti, po o se faanoanoa, po o se tagiauē, e lē toe iai foʻi se tigā.’​—Faaaliga 21:4.

•   Ina ia iloa isi faamatalaga e faatatau i folafolaga a le Tusi Paia mo le lumanaʻi, ia faitau i le mataupu “O se Faamoemoe Moni mo se Lumanaʻi Manuia.”

 Ua saunia e le Tusi Paia se faamoemoe mo le lumanaʻi e fesoasoani iā te oe e faaleleia ai ou faalogona ma maua ai le fiafia. (Roma 15:13) E mafai foʻi ona fesoasoani fautuaga a le Tusi Paia e taulima ai faafitauli o loo e fesagaʻia e pei o maʻi, faiga lē tonu, ma le lē tagolima.

•   Ia mātau pe na faapefea ona fesoasoani le faamoemoe ua saunia e le Tusi Paia i se tamāloa e maua ai le filemu ma le fiafia, e ui na ola aʻe i se olaga mativa. Ia maimoa i le vitiō Juan Pablo Zermeño: Ua Aumaia e Ieova se Olaga Faamalieina.

•   Ia faitau i auala e mafai ona fesoasoani ai le Tusi Paia iā te oe e feagai ai ma faalogona nofosala, faanoanoa, popole, ma le maliu o sē e pele iā te oe. Ia faitau i le mataupu faa-Peretania “Can I Find Words of Comfort in the Bible?”

•   Ia mātau pe na faapefea ona maua e se fafine na iai i se vaegaʻau le faamoemoe mai le Tusi Paia, e ui i le leaga o lona olaga sa iai. Ia maimoa i le vitiō faa-Peretania I Put Down My Rifle.

 Ia avea le tausaga 2024 o se tausaga lelei mo oe ma lou aiga. Ia aʻoaʻoina pe e faapefea ona fesoasoani le Tusi Paia iā te oe. Ia faataʻitaʻi ona suʻesuʻe faatasi le Tusi Paia ma se faiaʻoga e aunoa ma se totogi. Ia aʻoaʻoina auala e foaʻi atu ai e le Atua iā te oe “manatu o le filemu” i le taimi lenei, ma avatu iā te oe “se lumanaʻi ma se faamoemoe.”​—Ieremia 29:11.