Tali a le Tusi Paia

 E lē o iai se faatonuga patino i le Tusi Paia e faatatau i le susunuina o le tino o le tagata oti. E leai foʻi se faatonuga i le Tusi Paia e tatau ona tanuina pe susunuina le tino o le tagata oti.

 O loo taʻua i le Tusi Paia na tanu e auauna faamaoni a le Atua tino o tagata oti. O se faataʻitaʻiga, e tele taumafaiga na faia e Aperaamo ina ia maua se nofoaga e tanu ai lana avā o Sara.​—Kenese 23:​2-​20; 49:29-​32.

 O loo taʻua foʻi i le Tusi Paia na susunu e tagata faamaoni tino o tagata oti. O se faataʻitaʻiga, ina ua fasiotia Saulo le tupu o Isaraelu ma ona atalii i le taua, e leʻi faapelepele o latou fili i o latou tino oti. Ina ua faalogo i ai ni tagata totoa o Isaraelu, ona latou ō lea ma aumai tino oti o Saulo ma ona atalii ma susunu, ae tanu o latou ponaivi. (1 Samuelu 31:​8-​13) Ua faailoa mai i le Tusi Paia na talafeagai lenā auala.​—2 Samuelu 2:​4-6.

Faamatalaga sesē e uiga i le susunuina o le tino o le tagata oti

 Faamatalaga sesē: O le susunuina o le tino oti o se tagata e taofia ai le Atua mai i le faatūina o ia.

 Mea moni: E leai se mea e taofia ai le Atua mai i le faatūina o ē ua maliliu, e tusa pe e tanuina, susunuina, leiloa i le sami, pe ʻaina e manufeʻai. (Faaaliga 20:13) E faigofie i Lē e ona le malosi uma lava ona toe foafoaina se tino fou mo le tagata ua oti.​—1 Korinito 15:35, 38.