Yesuusi heeshshosi ninkera yee sayise aara albaanni noo hashsha, ammanantino rosaanosi shiqishino kakkalo qaagganno woy ayirrissanno gede hajajino. Yesuusi irsho nookki timanna duume woyine horoonsiꞌre, Jeefote Hurbaate woy Mootichu Hurbaate yinanni ayyaana jammarsiisino. Hakkiinnino togo yee hajajino: “Konne ayewoteno qaagooshshiꞌyara asse.”—Luqaasi 22:19.

Yihowa Farciꞌraasine alamete deerrinni Yesuusi reyo qaagooshshe ayirrisate diru dirunku gamba yitanno. Tayixe Qaagooshshu Ayyaana ayirrinsannihu Sanyo, Dotteessa 6, 2006 (Dotteessa 14, 2014) arrishsho eꞌu gedensaanniiti.

Konne gambooshshe daattora ayirrinyunni koyinsoommohe; konni ayyaani yannara Yesuusi reyo uyitanno horo lende xawinsanni. Konne gambooshshe beeqqate woxe dikaffaꞌlatto. Mutsuwaateho saffe didoyissinanni. Tenne borro uyihe manchi, qooxeessikkira Qaagooshshu Ayyaana ayirrinsanni basenna yanna kulannohe; woy jw.org yinanni webisayitenke aana laꞌꞌa dandaatto. Ballo hawattokki gede qaagiishshu woraqatikkira borreessiꞌri; kuni ayyaani sae baꞌꞌannohekki gede halchineemmo.