Gafa 14 Bitima
Hundi Kiristaani, Maganu Mangisteha dancha duduwo xeertote noo gobbuwa geeshsha sabbakino. Yesuusi insa mama sabbaka hasiissannonsaro kulinonsa; hattono manna uminsa qaalinni rosiissanno gede maalaletenni kaaꞌlinonsa. Yihowa insa waajjitannokki gedenna mannu giwannonsata dandiite saꞌanno gede kaaꞌlinonsa.
Yesuusi soqqamaasinchu Yohaannisira ajuujatenni Yihowa ayirrinye leellishinosi. Yohaannisi wole ajuujanni iimi Mangiste Sheexaanenna isi gashshoote hegerera huntanna laino. Yohaannisi, Yesuusi 144,000 manni ledo Moote ikke gashshanna laino. Qoleno Yohaannisi uulla woꞌma gannate ikkiteenna mannu baalu Yihowa keerunninna mittimmatenni magansiꞌranna laino.
KONNI GAFIRA
Yesuusi Rosaanora Qullaawu Ayyaani Dirri
Qullaawu ayyaani Yesuusi rosaanora maa assitanno wolqa uyinonsa?
Hoolansara Dandiinohu Dino
Yesuusa shiishiishshinori ammaꞌnote murrooti, xa isi harunsaano sabbakkannota hoolate woꞌnaaltino. Ikkirono sabbakkannota hoola didandiitino.
Yesuusi Saawuli Doori
Saawuli alba Kiristaana giwannoho. Yannate gedensaanni kayinni soorrame biddi yiino.
Qornelewoosira Qullaawu Ayyaani Dirrisi
Maganu Pheexiroosi Ayihude ikkinokki manchiwa soyinohu mayiraati?
Kiristaanu Ammaꞌno Halaꞌlitu
Soqqamaasinchu Phaawuloosi soqqanshote jaallasi ledo misiyoone ikke xeertowa haꞌre sabbakino.
Usuru Mini Agaraanchi Halaale Rosi
Phaawuloosinna Silaasi usurroonnihu mayiraati? Usuru mini agaraanchi halaale macciishshinohu hiittoonniiti?
Phaawuloosinna Ximootewoosi
Phaawuloosinna Ximootewoosi lubbote jaallaati; qoleno insa mitteenni lowo diro soqqantino.
Phaawuloosi Rooma Sonki
Phaawuloosi doogo haꞌranni heeꞌreenna qarru iillinosi; ikkirono isi waajje badhera dihigino.
Yohaannisi Laino Ajuuja
Yesuusi albillitte ikkannore kultanno ajuuja leellishinosi.
‘Mangistekki Daggo’
Yohaannisi laino ajuuja, Maganu Mangiste uulla woꞌma gashshitanno yannara mannu ooso hiittoo heeshsho heedhannoro xawissanno.
