KIRISTAANU HEESHSHO
Wolqa Roorroommo Yitannori Qarrissannoˈne Woyite Yihowa Addaxxe
Wolqa roorroommo yitannori qarrissanni waaddunkero yaandammoranna dadillinammora dandiineemmo. Insa ammanankenni kainohunni gibbannonke woyite waajjineemmoha ikkiro, tini ayyaanaamittenke nafa gawajjitara dandiitanno. Wolqa roorroommo yitannori qarrissannoˈneta gargadha dandiitinannihu hiittoonniiti?
Batinye Yihowa soqqamaano Yihowa addaxxite wolqa roorroommo yitannori qarrissannonsata dandiite saˈino. (Fa 18:17) Lawishshaho Asteeri, qarrisannohu bushu manchi Haama hedinore xawo fushshitino. (As 7:1-6) Ise hatto assitara albaanni balaxxe xoonte Yihowa addaxxitannota leellishshino. (As 4:14-16) Yihowa ise assitinore maassiˈre iseno ikko mannasi baotenni gatisino.
Ooso, wolqa roorroommo yitannori qarrissannoˈneha ikkiro, Yihowa kaaˈlannoˈne gede huuccidhe; hattono iillanni nooˈne qarra gikki yiino mannira lawishshaho, anniˈneranna amaˈnera hasaaphe. Yihowa Asteeri kaaˈlinte gede kiˈneno kaaˈlannoˈneta addaxxa dandiitinanni. Wolqa roorroommo yitannori qarrissannoˈneta dandee saˈˈate wolere maa assa dandiitinanni?
WEDELLIMMATE HEESHSHOˈYA—WOLQA ROORROOMMO YITANNORI QARRISSANNOETA DANDEE SAEEMMOHU HIITTOONNIITI? YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:
-
Wedellootu Chaarlenna Feeri lawishshinni maa rosa dandiitanno?
-
Annuwunna amuuwu, Chaarlenna Feeri coyiˈrinorinni oosonsa qarrinsanninsata dandiite saˈanno gede kaaˈlate daafira maa rosa dandaanno?
