Annuwunna amuuwu, oosonsa gambooshshuwiinni horo afidhanno gede kaaꞌlite Maganu hayyo afidhanno gede kaaꞌla dandiitanno. Ooso gambooshshunniwa laꞌannori, macciishshitannorinna qoltanno dawaro Yihowa daafira rossanno gedenna isi jaalla ikkitanno gede kaaꞌlitansara dandiitanno. (Mar 31:12, 13) Annuwanna amuuwa, oosoꞌne gambooshshuwiinni horo afidhanno gede kaaꞌla dandiitinannihu hiittoonniiti?

• Kiꞌne umiꞌne gambooshshe haꞌrate dandiitinire baala asse.—Fa 22:22

• Gambooshshu Addaraashera gambooshshu hanafara albaanni woy goofihu gedensaanni mimmito jawaachishate sharramme.—Ib 10:25

• Mittu mittunku maatete miiliꞌnera songonniwa xiinxallinanni borro (attammoonnita woy elektiroonikisete garinni qixxeessinoonnita ikkitara dandiitanno) noosironna teꞌee buuxxe

• Oosoꞌne dawaro uminsa yaattonni qolate qixxaabbanno gede kaaꞌlensa.—Mt 21:15, 16

• Gambooshshu daafirano ikko gambooshshunniwa rossinoonniri daafira dancha danchare coyidhe

• Oosoꞌne mito coye assa lawishshaho, Gambooshshu Addaraashe feya kaaꞌlitannonna jajjabbu roduuwi ledo hasaawa rossanno gede kaaꞌlensa

Oosoꞌne Yihowawa shiqqanno gede kaaꞌlate lowore assa hasiissannoꞌneti egennantinote; togo assa mito woyite shota ikka hooggaꞌnera dandiitanno. Kayi Yihowa kaaꞌlannoꞌneta addaxxa dandiitinanni.—Is 40:29.

ANNUWANNA AMUUWA, YIHOWANNA ISI AANNOꞌNE JAWAANTE ADDAXXE YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• Zaakinna Liya daafuru hiitto ikkitanno gede assinonsa?

  Dawaro

• Annuwunna amuuwu jawaante afiꞌrate alba Yihowawa higa hasiissannonsahu mayiraati?

  Dawaro

• Zaakinna Liya Yihowa kaaꞌlannonsata addaxxitinohu hiitte doogganniiti?

  Dawaro