Webisayitenkera kaimu qoolira suwashshu wodani noo manna baxissannoti addi addi birxichuwanna viidiyo no. (Soq 13:48) Hakkiicho duucha woyite odoote kulloonnire woy mannu hedayinoonna hasaawayi noo hajo daafira fushshinanni.

Soqqantinanni woyite jw.org aaniha kaimu qoola horoonsiꞌra dandiitinannihu hiittoonniiti?

• Webisayitete mayi fulinoro ganyitine laꞌe. Webisayitete aana haarote fulinore laꞌinihu gedensaanni hasatto noonsa manna kaaꞌla dandiitinannihu hiittoonniitiro hedde. (Kaimu qoolira haarote fultinota wole birxichuwa laꞌꞌate, “Ledde Afate” yaannoha kisse.) Webisayitenke yannate kiiro laꞌꞌaꞌne soqqanshote horoonsidhinannita haaro hedo afiꞌrate kaaꞌlitannoꞌne.

• Hasaawa hanafate aaniidi qoolira fultino birxichuwanna viidiyo horoonsidhe. Kuri qooxeessinkera noo manna roore huluullissanno hajo maatiro bande anfeemmo gede kaaꞌlitannonke.

• Mannaho webisayitenke aaniha kaimu qoola leellishshe. Mittu manchira mitte hajo kultinihu gedensaanni, webisayitenke aaninni lede afa dandaanno gara leellishshesi.

• Linke sokke. Mitu manni ninke ledo xaade hasaawa baxa hoogara dandaanno; kayi webisayitenke laꞌꞌa hasiꞌrara dandaanno. Konnira hasatto noosi manchira webisayitenkehu aaniidi qooliwa massitanno linke woy webisayitenkera fulino birxichiwa woy viidiyowa massitanno linke soyate hobbi ruxxi yitinoonte.