Maganoho hajajama hasiissannonkehu woꞌmu wodaninniiti. (La 3:1) Hakko daafira sabbankeemmo manni wodana kakkayisate sharrama hasiissannonke. Hiittoonni?

Rosaanchikkira Qullaawu Maxaafi halaale rosiisse calla agurtooti; hatteentenni, rosinori heeshshosiranna Yihowa ledo noosi jaaloomira kaaꞌlannosi gara huwatanno gede kaaꞌli. Qullaawu Maxaafi seeri Yihowa baxille, danchummasinna keeraanchimmasi leellishannohu hiittoonniitiro huwatanno gede assi. Rosanni noo rosi daafira mayi macciishshamannosiro kulanno gede assitanno xaꞌmo hayyotenni xaꞌmi. Busha akata woy gade qeeꞌliro heeshshosi woyyaabbanno gara huwatanno gede kaaꞌlisi. Xiinxallissinanni manchi Yihowa woꞌmu wodanisinni baxannota laꞌinanni woyite, hagiirriꞌne lexxanno.

MANNA ROSAANO ASSATE LOOSINNI HAGIIDHE—DANDOOꞌNE WOYYEESSIDHE—MANNU WODANA KAKKAYISA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Niita, Jeedi “Tenne Sanyote barra hasaambummore seekkite heditta?” yite xaꞌmitinohu mayiraati?

• Niita, Jeedi Qullaawu Maxaafi seeri Yihowa baxannoseta leellishanno gara huwattanno gede kaaꞌlitinosehu hiittoonniiti?

• Niita, Jeedi Maganoho noose baxille leellisha dandiitanno gara heddanno gede kaaꞌlitinosehu hiittoonniiti?