Iillannonke qarri hakko iso lowo yanna keeshshiro hexxo mudhineemmo gede assankera dandaanno. Daawiti Moote Saaooli qarrisanni heeꞌrannosikkitanna Yihowa qaale einosi garinni moote ikkannota afino. (1Sa 16:13) Ammanasi Daawiti cince Yihowa agadhanno gede kaaꞌlitinosi.

Qarru amadannonke woyite, qarranke tirate noonke hayyo, egennonke woy hedate dandoonke horoonsiꞌneemmoha ikkara dandaanno. (1Sa 21:12-14; La 1:4) Ikkirono mitu qarri Qullaawu Maxaafihu xintu seeri ledo sumuu yaanno garinni dandiinummore baala assinummorono baꞌꞌa hoogara dandaanno. Togoo woyite cincine Yihowa agadha hasiissannonke. Muli yanna giddo isi qarranke baala hunanno hattono “hindiiddo baala” illenkenni feyanno. (Aj 21:4) Qarrinkenni furgaꞌneemmohu Yihowa kaaꞌleennankeno ikko woy wolu garinni, mitto coye kayinni dihuluullammeemmo: Baalunku qarri baꞌꞌanno yanna no. Tenne afanke mito geeshsha sheshifachishshankera dandiitanno.

BEBBEEHANTINO ALAMERA MITTO IKKINO MANNA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Yunayitidi Isteetisete wodiidoonni heeꞌrannohu mitu Kiristaanira mayi qarri iillinonsa?

• Insa cincitannore ikkansanna baxille leellishshinohu hiittoonniiti?

• Insa, roore “woyyanno coye” illachishshinohu hiittoonniiti?—Fil 1:10