Yihowa ledo muli jaalooma kalaqiꞌra dandaannohu amanyootunni xuru noonsakki manna callaho. (1Ph 1:14-16) Qullaawu Maxaafi rosaano busha rosicho qeeꞌlituro, maatensa heeshshonna fayyimmansa woyyaabbanno; hattono woxu qarri diamadannonsa.

Yihowaha amanyootu seeranna isi konne seera uyinonkehu mayiraatiro hattono konne seera harunsa kaaꞌlitannonke gara xawissine kullensa. Rosaanoꞌne heddanno gara biddi assidhanno gede kaaꞌlensa; insa heddanno gara biddi assidhuro assootensano biddi assiꞌra dandiitanno. (Ef 4:22-24) Rosaanoꞌne Yihowa kaaꞌlonni lowo diro qarrisinonsaha busha rosicho qeeꞌla dandiitannota kullensa. (2Qo 4:7) Insa cubbo loosate doogantanno woyite, Yihowa kaaꞌlansara eeggifatte huuccidhanno gede rosiissensa. Fonqolo ikkannonsa coye affe qorophitanno gede kaaꞌlensa. Insa busha rosicho agurte dancha coye assitanno gede jawaachishshensa. Qullaawu Maxaafi rosaanoꞌne Yihowa kaaꞌlonni heeshshonsa biddi assidhanna laꞌinanni woyite lowo geeshsha hagiidhitinanni.

QULLAAWU MAXAAFI ROSAANOꞌNE BUSHA ROSICHO AGURTANNO GEDE KAAꞌLENSA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Songote cimeeyyenna Niita, Jeedi busha rosicho qeeꞌlitanno yite hexxitannota leellishshinohu hiittoonniiti?

• Niita, Jeedi ledde kaaꞌlitinosehu hiittoonniiti?

• Jeedi Yihowa kaaꞌlo hasidhinohu ma garinniiti?