HEESHSHOTENNA SOQQANSHOTE GAMBOOSHSHITA XIINXALLOTE MAXAAFICHO Ammajje 2016
Lawishsha Ikkannoha Hasaawu Bitima
Baqqi Yiiyye! yitanno metseetenna Maganu Yaannore Macciishshi yitanno biroshere elate kaaꞌlitanno hedo. Lawishshuwa horoonsidhe umikkiha hasaawu bitima qixxeessiꞌri.
MAGANU QAALI GIDDO NOO JIRO
Nehimiya Halaalu Magansiꞌra Baxannota Leellishino
Isi Yerusaalamete hoowe galagalle hoombanninna addu ammaꞌno halaꞌlitanno gede assate diinaggaawe assinore hedi. (Nehimiya 1-4)
MAGANU QAALI GIDDO NOO JIRO
Nehimiya Worba Aliidi Laꞌꞌaanchooti
Isi Isiraeelete manni halaalu magansiꞌranni hagiidhanno gede kaaꞌlino. Biꞌre 455 K.A. Tishirii aganira Yerusaalamete ikkinore hedate misile horoonsiꞌri (Nehimiya 8:1-18)
MAGANU QAALI GIDDO NOO JIRO
Magano Ammanante Magansidhannori Tiokiraasete Qixxaawo Irkissanno
Nehimiya yannara, Yihowa daga halaalu magansiꞌra uminsa fajjonni irkissino. (Nehimiya 9-11)
KIRISTAANU HEESHSHORA
Baalantenni Woyyitino Heeshsho
Wedellu Yihowa dirijjite giddo soqqantanni hagiirraame heeshsho heedhannoti duucha faro noonsa. Viidiyonnire hasaawate xaꞌmuwa horoonsiꞌri.
MAGANU QAALI GIDDO NOO JIRO
Nehimiyawiinni Ronseemmo Roso
Nehimiya halaalu magansiꞌrara gaaramino gara hedi. (Nehimiya 12-13)
KIRISTAANU HEESHSHORA
Qoqqowiꞌnera Noo Manna Baala Qaagooshshu Ayyaanira Koyisse!
2016nnihu koyishshu woraqatiha hasaawu bitima. Hasatto noonsata leellishshinore deerru deerrunni hasattonsa lexxitanno gede asse.
MAGANU QAALI GIDDO NOO JIRO
Asteeri Maganu Dagara Haꞌlitino
Ise waajjitukkinni dhagge ikkanno garinni Yihowa mannira haꞌlitino gara hedi. (Asteeri 1-5)
