Onkoleessa 26–Ella 1
LAWISHSHA 15
Faarso 102 nna Huuccatto | Hanafote Hedo (1 daq.)
1. Wolootu Hagiirraamma Ikkitanno Gede Kaaꞌlensa
(10 daq.)
Roduuwinkera buutote qarri iillannonsa woyite, barru baalu yaaddo ikkansara dandaanno (La 15:15)
Qarru iillanni noonsare wosinsidhe (La 15:17; w18.03 17 guf. 17)
‘Hisatu albinna’ jawaachishanno qaali sheshifachishansara dandaanno (La 15:23, 30; w18.04 23-24 guf. 16-18)
ATENEETO TOGO YITE XAꞌMI: ‘Songonke giddo jawaante hasiissannosihu ayeti? Ani maa asse kaaꞌlosi?’
2. Maganu Qaalinni Ronseemmore
(10 daq.)
La 15:22—Xagisiꞌrate daafira dancha doorsha doodhate kuni xintu seeri kaaꞌlannonkehu hiittoonniiti? (ijwbq birxicho 39 guf. 3)
Tenne lamalate Qullaawu Maxaafi niwaawenni maa rossinoonni?
3. Qullaawu Maxaafi Niwaawe
(4 daq.) La 15:1-21 (th xiinxallo 2)
4. Hasaawa Hanafa
(3 daq.) MINUNNI MINE. (lmd roso 1 naxiwe 5)
5. Hasaawa Hanafa
(4 daq.) SABBAKATE FULLOOMMOKKI WOYITE. Qullaawa Maxaafa xiinxallanno gede koyisi. (lmd roso 2 naxiwe 4)
6. Rosaano Assa
(5 daq.) Maatesi gibbanni noosiha Qullaawu Maxaafi rosaanchokki jawaachishi. (th xiinxallo 4)
Faarso 155
7. Fonqolu Iillinkerono Hagiirraamma Ikka Dandiineemmo
(15 daq.) Hasaawunni shiqqanno.
Yaaddo, Hudenna Kallimma Heedhurono Hagiidha Dandiineemmo yitanno VIIDIYO fani. Hakkiinni macciishshaano togo yite xaꞌmi:
Kuri woꞌnaalshuwanni maa rossinoonni?
8. Songonnita Qullaawu Maxaafi Xiinxallo
(30 daq.) w21.03 29-30 guf. 12-17 nna Xaphishshu xaꞌmuwa
