සමරිතානු ස්ත්‍රියට සාක්ෂි දරන්න මඟ පෑදුණේ යේසුස් එයා එක්ක කතා කරන්න මුලපිරුව එකයි. අඳුනන්නේ නැති අය එක්ක කතා කරන්න මුලපුරන්න අපිට පුළුවන් කොහොමද?

• ඔයාට මුණගැහෙන අය එක්ක මිත්‍රශීලීව කතා කරන්න. යේසුස් මහන්සි වෙලා හිටියත් සමරිතානු ස්ත්‍රියගෙන් වතුර ඉල්ලලා සාකච්ඡාවක් ආරම්භ කළා. ඔයාටත් පුළුවන් මිනිසුන් එක්ක මිත්‍රශීලී වෙලා කාලගුණය ගැන නැත්නම් මෑතකදී වුණු සිද්ධියක් ගැන කතා කරන්න. එහෙම කතා කරන එකේ අරමුණ ඒ කෙනා එක්ක කතාබහකට මුලපුරන එක නිසා එයා උනන්දු වෙයි කියලා හිතන දෙයක් ගැන කතා කරන්න. එයා කතා කරන්න කැමති වුණේ නැත්නම් දුක් වෙන්න එපා. වෙන කෙනෙක් එක්ක කතා කරන්න. නිර්භීත වෙන්න යෙහෝවා දෙවිගෙන් උදව් ඉල්ලන්න.—නෙහෙ 2:4; ක්‍රියා 4:29.

• ශුභාරංචිය ගැන කියන්න ඉක්මන් වෙන්න එපා. ඒකට සුදුසු අවස්ථාවක් එන කල් ඉන්න. ඔයා ඉක්මන් වෙලා ඒක කරන්න ගියොත් ඔයාත් එක්ක කතා කරමින් ඉන්න කෙනා සාකච්ඡාව නතර කරයි. සාකච්ඡාව අතරතුරේදී ඒ කෙනාට ශුභාරංචිය ගැන කියන්න අවස්ථාවක් ලැබුණේ නැත්නම් දුක් වෙන්න එපා. සාක්ෂි දරන්න මුලපුරන එක අමාරුයි කියලා ඔයාට හැඟෙනවා නම් මුලින්ම මිනිසුන් එක්ක සුහදශීලීව කතා කරන්න පුරුදු වෙන්න. [1වෙනි වීඩියෝ එක පෙන්වලා සාකච්ඡා කරන්න.]

• ඔයාගේ විශ්වාසයන් ගැන කතා කරන්න අවස්ථාවක් උදා කරගන්න උත්සාහ කරන්න. සමරිතානු ස්ත්‍රිය එක්ක කතා කරමින් ඉද්දී යේසුස් ඒ ස්ත්‍රියට කුතුහලයක් ඇති වෙන විදිහේ දේවල් කිව්වා. ඒ නිසා ඒ ස්ත්‍රිය යේසුස්ගෙන් ප්‍රශ්න අහන්න පෙලඹුණා. ඒ ප්‍රශ්නවලට උත්තර දෙද්දී සාක්ෂි දරන්න යේසුස්ට අවස්ථාව ලැබුණා. [2වෙනි වීඩියෝ එක පෙන්වලා සාකච්ඡා කරන්න. ඊටපස්සේ 3වෙනි වීඩියෝ එක පෙන්වලා සාකච්ඡා කරන්න.]