අවුරුදු 80ක් විතර කාලයක් තිස්සේ සාවුල් රජගෙයි දාවිත් රජගෙයි ජීවිතවල වුණු සිද්ධීන් මේ කොටසේ විස්තර කරනවා. සාවුල්, දෙවියන්ට ගරුබිය දක්වපු, නිහතමානී කෙනෙක්. ඒත් පස්සේ එයා දෙවියන්ගේ මඟ පෙන්වීම් පිළිගත්තේ නැහැ. යෙහෝවා එයාව රජකමෙන් අයින් කරලා දාවිත්ව රජ විදිහට අභිෂේක කරන්න සාමුවෙල්ට කිව්වා. ඊර්ෂ්‍යාවෙන් හිටපු සාවුල් කීප සැරයක්ම දාවිත්ව මරන්න හැදුවත් දාවිත් පළිගත්තේ නැහැ. යෙහෝවා තෝරගෙන තියෙන්නේ දාවිත්ව කියලා දැනගෙන හිටපු යොනාතාන් දාවිත්ට ළැදිව හිටියා. දාවිත් අතින් බරපතළ වැරදි වුණත් දෙවියන් හික්මවීම් දෙද්දී එයා ඒවා පිළිගත්තා. යෙහෝවා කියන විදිහට වැඩ කරන එක කොච්චර වැදගත්ද කියලා තේරුම්ගන්න දරුවාට උදව් කරන්න.