ජලගැල්මට පස්සේ නෝවාගේ පුත්තුන්ට ගොඩක් ළමයි හිටියා. එයාලාගේ පවුල් එන්න එන්න ලොකු වුණු නිසා යෙහෝවා කියපු විදිහටම එයාලා පොළොවේ එක එක තැන්වලට ගිහින් පදිංචි වුණා.

ඒත් සමහර අය යෙහෝවාට කීකරු වුණේ නැහැ. එයාලා මෙහෙම කතා වුණා. ‘අපි නුවරක් හදලා මෙතන ඉමු. ඒකේ අහස උසට කොතක් හදමු. එතකොට අපිට හුඟක් ප්‍රසිද්ධ වෙන්න පුළුවන්.’ එයාලා හදන්න හැදුවේ උස ගොඩනැඟිල්ලක්.

 ඒත් යෙහෝවා ඒ වැඩේට කැමති වුණේ නැහැ. ඔහු ඒක නවත්තන්න හිතුවා. දන්නවාද දෙවියන් කළේ මොනවාද කියලා? ඒ කාලේ මිනිස්සු හැමෝම කතා කළේ එක භාෂාවක්. ඒත් ඔහු ඒක වෙනස් කළා. ඒ නිසා එක එක අය එක එක භාෂාවලින් කතා කරන්න පටන්ගත්තා. එක් කෙනෙක් කියන දේ අනිත් කෙනාට තේරෙන්නේ නැති නිසා ගොඩනඟන වැඩ නතර වුණා. හැම දෙයක්ම “අවුල්“ වුණු නිසා ඒ නගරයට කිව්වේ බාබෙල් කියලයි. පස්සේ එයාලා පොළොව පුරාම එක එක පළාත්වලට ගිහින් පදිංචි වුණා. ගිය ගිය තැන්වලත් එයාලා කළේ නරක වැඩ. ඒත් යෙහෝවාට ආදරේ කරපු අයත් එයාලා අතරේ හිටියාද? ඒ ගැන ඊළඟ පාඩමෙන් බලමු.