Ti duti na nzoni seni
Bible ayeke pëpe mbeni mbeti ti kaïngo na kobela. Me na yâ ni, a yeke wara awango so apeut ti aidé e ti duti na nzoni seni. Bâ ambeni mama-ndia ti Bible so apeut ti aidé e ti duti na nzoni seni.
BÂ LEGE TI SENI TI MO
MAMA-NDIA TI BIBLE: “Mbeni [zo] ake terê ti lo wani lâ oko pëpe; me lo mû kobe na ni nga lo yeke ye ni mingi.”—aÉphésien 5:29.
NDA TI VERSÊ NI: Mama-ndia ti Bible so a-encouragé e ti bâ lege ti seni ti e nzoni. Mbeni mbeti afa so mingi ti azo awara kpale ti seni ndali ti so lege so ala yeke vivre na ni ayeke nzoni ape. Ni la, tongana aye so mo soro ti sara ayeke anzoni ye, a peut ti sara si mo duti na nzoni seni.
YE SO MO PEUT TI SARA:
-
Tengo kobe. Te kobe so ayeke sara nzoni na zo nga nyon ngu mingi.
-
Duti gï place oko ape. Ti sara akete kete kua ayeke sara nzoni na seni ti mo atâa ngu ti mo ayeke oke, même tongana mbeni mbage ti terê ti mo abuba wala mo yeke na mbeni kobela so a soigné ni gbä. Atâa so adocteur nga na azo so aye mo apeut ti mû na mo wango ti sara sport, a yeke mo la mo yeke sara si ye ni amarché.
-
Lango nzoni. Tongana zo amû ka temps nzoni ape ti lango, a gue ngbii lo peut ti tï kobela ngangu. Mingi ni, azo ayeke lango nzoni ape ndali ti so ala mû temps ti lango ti ala ti sara na ambeni ye nde. Me tongana mo lango nzoni, mo yeke duti nzoni.
KPE AMBENI YE SO APEUT TI SARA SIONI NA MO
MAMA-NDIA TI BIBLE: “Zia e sukula terê ti e wani ti zi aye kue so asara si terê na bibe aga sioni.”—2 aCorinthien 7:1.
NDA TI VERSÊ NI: Ti duti na nzoni seni, a yeke nzoni e kpe aye so apeut ti buba seni ti e na tapande nyongo manga, so ayeke na gunda ti akobela mingi nga so ayeke fâ azo mingi laso.
YE SO MO PEUT TI SARA: Fa mbeni lango so mo doit ti zia lege ti manga. Me kozo na lango ni, bi amanga ni, abriquet na a-allumette ti nyongo na ni nga na ambeni ye ni nde. Kpe ando so azo ayeke nyon ka manga dä mingi. Tene na akamarade nga na afami ti mo so mo ke manga awe.
AMBENI MAMA-NDIA TI BIBLE NI
Mo peut ti wara Bible tongana mo hunda ni na mbeni Témoin ti Jéhovah so ayeke nduru na mo
SARA HANGE NA AYE SO MO YEKE SARA.
“Tongana mo leke fini da, mo sara nga kete gbagba na terê ti li ti da ni, si ngbanga ti mênë aga na li ti sewa ti mo pëpe ndali ti so mbeni zo alondo na li ti da ni atï.”—DEUTÉRONOME 22:8.
GI TI HON NDÖ TI NGONZO TI MO.
“Zo so asara ngonzo hio pëpe ahinga ti bâ yâ ti aye nzoni mingi, me zo so ahinga ti kanga bê pëpe afa buba ti lo na gigi.”—APROVERBE 14:29.
KPE TI TE YE MINGI.
“Ga pëpe oko ti azo so . . . ayeke te nyama ahon ndö ni.”—APROVERBE 23:20.
Bâ nga
ZINGO NA LANGO!
Lege ti duti na ngia: Duti na nzoni seni nga gbu ngangu
Eskê kobela alingbi ti sara si zo aduti na ngia encore ape biani biani?
