Gingo bê ayeke ye so ayeke passé na yâ ti terê ti mo tongana mo tingbi na mbeni ngangu situation. Cerveau ti mo ayeke tokua gbâ ti ahormone na yâ ti terê ti mo kue. Ye so asara si bê ti mo ayeke pika ngangu ngangu, mênë ti mo ahon na loro loro, mo wu na ngangu wala mo wu gbä, nga amuscle ti mo akpengba. Terê ti mo ayeke nduru ti sara mbeni ye, kozo si mo ga ti hinga ye so apassé. Tongana kpale ni ahon awe, bê ti mo ayeke dë na ye kue akiri na place ni.

Gingo bê ayeke mbeni ye so ayeke na lege ni so ayeke aidé mo ti hon ndö ti akpale. A yeke komanse na yâ ti cerveau ti mo. Nzoni ti gingo bê ayeke so ayeke sara si mo sara ye hio. Tongana bê ti mo agi mo kete apeut ti aidé mo ti sara aye so mo leke ti sara wala ti sara ye nzoni, na tapande na ngoi ti examen, na ngoi so a sara lisoro na mo ti mû mo na kua wala na ngoi ti ngia ti awanguru.

Ye oko, tongana mo gi bê ti mo aninga, wala ahon ndö ni, wala mo gi bê ti mo mingi apeut ti sara sioni na mo. Tongana bê ti mo ayeke gï na nduzu lakue lakue, a peut ti sara si mo wara kpale ti seni, mo yeke na ngia ape nga li ti mo ga kirikiri. Sarango ye ti mo apeut ti changé. Gingo bê ahon ndö ni apeut nga ti gue na mo ti nyon asioni ye, ti te ye ahon ndö ni wala ti sara ambeni sioni nde. A peut même ti gue na mo ti tï na yâ ti kota vundu, kota fatigue, wala ti pensé ti fâ terê ti mo.

Atâa so gingo bê ayeke sara ye na ndö ti azo na alege nde nde, a peut ti sara si zo awara akpale ti seni nde nde. Nga a peut ti sara ye mingi na ndö ti ambage nde nde ti terê ti zo.