A yeke ka gï hio tongaso la bibe ti kengo zo ayeke hon ape. A hunda ngoi nga na effort ti zi bibe so gï tongana ti so a hunda ngoi nga na effort ti tene kobela ahon na terê ti mbeni zo. Nyen la mo peut ti sara ti zi bibe ti kengo zo senge senge?

“Ala yü ndoye, ndali ti so ndoye ayeke kamba so abungbi ye mbilimbili.”​—ACOLOSSIEN 3:14.

Versê so aye ti tene nyen? Tongana zo asara nzoni na amba ti lo asara si ala yeke sara songo. Tongana e yeke sara ye na ndoye na mbage ti amba ti e mingi, e yeke zia lege ti kengo azo senge senge. Tongana e yeke gi ti ye azo mingi, a yeke aidé e ti zi asioni pensé so e yeke na ni na ndö ti ala.

Gbu li ti mo na ndö ti ambeni mbilimbili ye so mo peut ti sara ti fa so mo ye azo so peut-être mo yeke na sioni pensé na ndö ti ala. Mo bezoin ti sara akota ye ape. Tara ti sara ambeni ye so a fa na gbe ni ge so:

• Mo peut ti londo ti zia place ti duti na zo ni, wala ti zi porte na lo.

• Tara ti causé kete na ala, même si ala hinga yanga ti kodro ti mo nzoni ape.

• Tongana ala sara mbeni ye so mo comprendre ape, kanga bê.

• Tongana ala yeke fa aproblème ti ala na mo, gi ti comprendre ala.