Akpale ahon ndö ti dunia: Nyen la mo peut ti sara?
Eskê mo bâ so akpale so ayeke na yâ ti dunia ayeke sara ngangu mingi na ndö ti mo ahon ti kozo? Eskê mo bâ mbeni oko ti akpale so ayeke na gbe ni ge na ndo so mo yeke dä?
Abira
Asioni kobela so amû ndo
Yengingo ti sese wala angu so asuku amû ndo
Yere
Kengo zo senge senge
Sarango ye ti ngangu na zo
Tongana mbeni ye ti ngangu asi, mingi ti azo so ye ni asi na ala li ti ala aga kirikiri na ala yeke na beku ape. Ambeni zo so aye ti ngangu asi na ala, ala yeke gï tongaso. Ye oko, tongana e sara vundu ahon ndö ni wala e sentir terê ti e nzoni ape aninga na ngoi so e yeke na yâ ti mbeni ye ti ngangu, a yeke sara si ye ni aga pire.
Na ngoi so mbeni ye ti ngangu asi, a yeke kota ye ti tene mo bata azo so mo ye ala, seni ti mo, ye so mo yeke sara ti vivre na ni nga na ngia ti mo.
Nyen la mo peut ti sara fadeso ti tene akpale ti dunia so asara ngangu mingi na ndö ti mo ape?
