TOUR TI BA NDO (TI MANDANGO NI) Mars 2014
Article so afa tongana nyen ti ngbâ ti duti na bibe ti sacrifice nga na nzoni bango ndo. Tongana nyen la e lingbi ti bâ lege ti aita ti e aChrétien so ayeke mbakoro nga na afami ti e so ayeke mbakoro?
Lege ti ndu bê ti afami ti e so ayeke aTémoin ti Jéhovah ape
Nyen la e lingbi ti manda na ndo ti lege so Jésus asara ye na mbage ti afami ti lo? Tongana nyen la e lingbi ti fa tënë ti mabe ti e na afami ti e so ayeke aTémoin ape wala so amä na bê pëpe?
Tongana nyen e lingbi ti ngbâ ti duti na bibe ti sacrifice
E yeke na mbeni wato so alingbi ti sara si e duti na bibe ti sacrifice mbeni ape. Article so ayeke fa na e wato so nga a yeke fa na e tongana nyen la e lingbi ti sara kua na Bible ti hon ndo ti wato so.
Tongana nyen ti ngbâ ti duti na nzoni bango ndo?
Ngbanga ti nyen azo mingi ayeke sara ngangu ti hon ndo ti abango ndo so ayeke na lege ni ape? Article so ayeke fa na e tongana nyen e lingbi ti sara kua na Bible ti mû maboko na e ti ngbâ ti duti na nzoni bango ndo na ndo ti e wani.
Vorongo Nzapa na yâ ti sewa: Mo lingbi ti sara si a nzere ahon ti kozo?
Gi ti bâ tongana nyen la aita ayeke voro Nzapa na yâ ti sewa na yâ ti akodoro nde nde ti wara mungo maboko.
Ala ne ambakoro so ayeke na popo ti ala
Bâ bango ndo so Nzapa ayeke na ni na ndo ti ambakoro. Nyen la a lingbi amolenge so akono awe asara na ababâ nga na amama ti ala so ayeke ambakoro? Tongana nyen la acongrégation alingbi ti ne aita so ayeke ambakoro na popo ti ala?
Tongana nyen e lingbi ti bâ lege ti ambakoro
Ababâ na amama so ayeke ambakoro nga na amolenge ti ala alingbi ti sara lisoro na ndo ti aye so ala yeke sara nga ti mû adesizion kozoni si “lâ ti vundu” asi. Tongana nyen la ala lingbi ti hon ndo ti ambeni kpale ni?
Tongana mo tene ‘En ayeke ngbâ gi En’?
A lingbi aChrétien asara ye alingbi na tënë ti yanga ti ala me a lingbi tënë ti yanga ti ala aduti “En na Ên-ën pëpe.” Ka tongana asi so a lingbi e changé ye so e tene e yeke sara? Manda ye na lege ti tapande ti bazengele Paul.
