“Na alango so mbi bâ so mbi yeke ye oko ape, Jéhovah ayeke kpengba mbi na lege ti abia so ayeke na ndö ti Télé JW.”—Lorraine, États-Unis.

A-Chrétien ayeke he lakue abia ti sepela na Nzapa (aCol. 3:16). Tongana mo hinga abia so na li, a peut ti aidé mo na ngoi so mo yeke na mbeni mbeti ti bia, wala tablette wala téléphone ape. Gi ti sara aye so ti tene a-aidé mo ti bata abia na li ti mo.

• Diko atënë ti yâ ti abia ni nzoni ti mä yâ ni. Tongana mo mä yâ ti mbeni ye, a yeke ngangu ape ti tene mo dabe ti mo na ni. Tënë ti yâ ti abia ti e kue, même ambeni bia nde nga na abia ti amolenge, ayeke na ndö ti jw.org. Na gbe ti mbage Bibliothèque, gue na Mozoko.

• Sû atënë ti yâ ti bia ni na mbeti. Tongana mo sara tongaso mo yeke yôro atënë ni na yâ ti li ti mo.—Deut. 17:18.

• He bia ni na kota go. Diko bia ni wala he ni fani mingi.

• Gi ti bâ wala mo bata ni. Gi ti dabe ti mo na atënë ni sân ti bâ ni, na pekoni bâ wala mo he ni nzoni.