1-2. (a) Tongana mbeni zo asara mbeni kota siokpari si lo changé bê ti lo ape, Jéhovah abâ ni tongana nyen? (b) Nyen la Jéhovah aye ti tene awasiokpari asara?

 JÉHOVAH ayeke kanga lê na ndö ti asioni sarango ye ape. Lo ke siokpari (Ps. 5:​4-6). Jéhovah ahunda ti tene e sara ye alingbi na acommandement ti lo so ayeke na yâ ti Bible. Jéhovah ahinga so azo so ayeke mbilimbili-kue ape ayeke sara afaute (Ps. 130:​3, 4). Me na oko ngoi ni, lo ke ‘azo so akpe mbeto ti lo pëpe, azo so amû kota nzobe ti lo tongana mbeni raison ti sara sioni ye sân kamene.’ (Jude 4). Bible asara tënë ti “futingo azo so akpe Nzapa pëpe” na ngoi ti Harmaguédon, bira ti Nzapa.—2 Pi. 3:7; Apoc. 16:16.

² Ye oko, Jéhovah aye ti tene a futi zo oko ape. Na yâ ti Tour ti Ba Ndo so, e manda so “lo ye si azo kue achangé bê ti ala.” (2 Pi. 3:9). A-ancien ayeke sara ye tongana Jéhovah na ngoi so ala kanga bê ala yeke gi ti aidé azo so asara siokpari ti changé sarango ye ti ala nga ti kiri ti zia ngia na bê  ti Jéhovah. Me a peut ti si so mbeni zo so asara siokpari ake ti changé bê ti lo (És. 6:9). Ambeni angbâ ti sara sioni ye atâa so fani mingi a-ancien asara effort ti aidé ala ti changé bê ti ala. Tongana a si tongaso, nyen la a-ancien adoit ti sara?

“ALA ZI ZO TI SIONI SO NA POPO TI ALA”

3. (a) Bible atene nyen la a doit ti sara na azo so asara siokpari si ake ti changé bê ti ala? (b) Tongana mbeni zo achangé bê ti lo ape, ngbanga ti nyen la e peut ti tene so lo la lo soro ti tene a zi lo na yâ ti congrégation?

³ Tongana mbeni zo ake ti changé bê ti lo, a-ancien adoit ti sara ye alingbi na fango lege so ayeke na 1 aCorinthien 5:​13, so atene: “Ala zi zo ti sioni so na popo ti ala.” E peut ti tene so zo ni la asoro ti tene a zi lo na yâ ti congrégation; lo yeke ko lengo ti ye so lo wani la lo lu (aGal. 6:7). Ngbanga ti nyen la e tene tongaso? Ngbanga ti so lo ke ti changé bê ti lo atâa so a-ancien agi fani mingi ti aidé lo (2 aGbia 17:​12-15). Asarango ye ti lo afa so lo ye ti sara ye alingbi na acommandement ti Jéhovah ape.—Deut. 30:​19, 20.

4. Ngbanga ti nyen la a yeke tene mbeni tokua ti fa so a zi na yâ ti congrégation mbeni zo so ake ti changé bê ti lo?

⁴ Tongana a zi na yâ ti congrégation mbeni zo so ake ti changé bê ti lo, a yeke tene mbeni tokua ti fa na aita so zo ni ayeke Témoin ti Jéhovah encore ape. A yeke tene tokua so ti bi kamene na lê ti zo ni ape. A yeke tene ni tongaso si aita apeut ti sara ye alingbi na commandement ti Bible so ahunda ti “zia ti sara songo” na zo ni, “même ti tene ala te kobe na” lo ape (1 aCor. 5:​9-11). Jéhovah amû na e commandement so ndali ti anzoni raison. Bazengele Paul atene: “Kete levure asara si mengo farine ni kue asuku.” (1 aCor. 5:6). Tongana a zi na yâ ti congrégation ape mbeni zo so ake ti changé bê ti lo, aita apeut ti pensé so ala bezoin ti sara ye alingbi na acommandement ti Jéhovah ape.—aProv. 13:20; 1 aCor. 15:33.

5. A yeke nzoni e bâ mbeni zo so a zi lo na yâ ti congrégation tongana nyen? Ngbanga ti nyen?

⁵ A yeke nzoni e bâ mbeni zo so a zi lo na yâ ti congrégation tongana nyen? Atâa so e yeke ke ti sara songo na lo, a yeke nzoni e bâ ape so mbeni ye ti sara ti aidé lo ayeke dä ape. Me, a yeke nzoni e bâ lo tongana mbeni taba so agirisa lege. Mbeni taba so agirisa lege apeut ti kiri na yâ ti kundu ni. Girisa ape so taba so, so agirisa lege, amû lani terê ti lo na Jéhovah. Mawa ni ayeke so, na ndembe so, lo yeke sara ye alingbi na mungo terê ti lo na Nzapa ape, asara si lo yeke na yâ ti kota kpale (Ézéch. 18:31). Ye oko, so ngoi angbâ ti tene Jéhovah asara nzoni bê na lo, e yeke na beku so lo yeke changé. Tongaso, tongana nyen la a-ancien apeut ti aidé mbeni zo so asara siokpari so a zi lo na yâ ti congrégation?

LEGE SO A-ANCIEN AYEKE AIDÉ AZO SO A ZI ALA NA YÂ TI CONGRÉGATION

6. Aye wa la a-ancien ayeke sara ti aidé mbeni zo so a zi lo na yâ ti congrégation?

⁶ Tongana a zi mbeni zo na yâ ti congrégation, eskê a-ancien ayeke zia ti gi ti aidé lo ti kiri na Jéhovah? Oko ape. Na ngoi so a-ancien atene na mbeni zo so a yeke zi lo na yâ ti congrégation, ala yeke fa nga na lo aye so lo doit ti sara ti kiri. Me ala yeke ngbâ gï ge ape. Mingi ni, a-ancien ayeke tene na zo ni so ala ye ti kiri ti wara terê na lo na peko ti anze mingi ape ti bâ wala lo changé bê ti lo. Tongana zo ni ayeda ti kiri ti wara terê na ala, ala yeke wa lo ti changé bê  ti lo. Même tongana ade lo changé bê ti lo ape, na ambeni ngoi a-ancien ayeke gi ti kiri ti wara terê na lo.

7. Tongana nyen la a-ancien apeut ti mû tapande ti Jéhovah ti bâ mawa ti mbeni zo so a zi lo na yâ ti congrégation? (Jérémie 3:12).

⁷ A-ancien ayeke gi ti sara ye tongana Jéhovah ti bâ mawa ti mbeni zo so a zi lo na yâ ti congrégation. Na tapande, ândö, Jéhovah aku pëpe ti tene azo ti lo, azo ti Israël, achangé bê ti ala awe si lo gi ti aidé ala. Me lo yeke mû lani li ni ti tokua aprophète ti lo na ala même kozo si ala changé bê ti ala. Tongana ti so a fa na yâ ti use article ti Tour ti Ba Ndo so, Jéhovah afa so lo bâ mawa ti zo na lege so lo tene na prophète Osée ti kiri na wali ti lo na da atâa so wali ni angbâ lani ti sara siokpari (Os. 3:1; Mal. 3:7). Tongana ti Jéhovah, a-ancien aye mingi ti tene mbeni zo so asara siokpari achangé bê ti lo na akiri na Jéhovah, nga ala yeke sara si a duti ngangu na lo ape ti sara ni.—Diko Jérémie 3:12.

8. Tongana nyen la toli ti Jésus na ndö ti molenge so agirisa a-aidé e ti comprendre nzoni so Jéhovah ayeke bâ mawa ti zo nga lo yeke sara nzoni bê na zo? (Luc 15:7).

⁸ Dabe ti mo na toli ti Jésus na ndö ti molenge so agirisa so a sara tënë ni na yâ ti use article ti Tour ti Ba Ndo so. Na ngoi so lê ti babâ ni atï na ndö ti molenge ti lo so ayeke kiri, lo ‘kpe loro lo gbu lo na kate na lo su ngbangba ti lo yeke.’ (Luc 15:20). Bâ so babâ ni aku ape ti tene molenge ni aga avoro yanga na lo ti pardonné lo. Me lo kpe lo gue na terê ti molenge ti lo ndali ti so lo ye lo. A-ancien ayeke sara ngangu ti duti na mara ti bango ndo so na mbage ti azo so ague yongoro. Ala ye ti tene ataba so agirisa akiri na Jéhovah (Luc 15:​22-24, 32). Na ngoi so mbeni wasiokpari akiri, Jéhovah, Jésus, a-ange nga na congrégation kue ayeke na ngia mingi.—Diko Luc 15:7.

9. Nyen la Jéhovah aye ti tene awasiokpari asara?

⁹ Juska ge, e manda so Jéhovah aye pëpe ti tene azo so achangé bê ti ala ape angbâ na yâ ti congrégation. Me lo ngbâ ti gi ti aidé ala. Lo ye ti tene ala kiri na lo. Jéhovah afa tënë ti bê ti lo na ndö ti azo so achangé bê ti ala na Osée 14:4. Lo tene: “Mbi yeke sava ala, na ala yeke kiri ti duti be-ta-zo na mbi. Mbi yeke ye ala ande na bê ti mbi kue, ngbanga ti so mbi zia lege ti ngonzo so mbi sara na terê ti ala.” So a-ancien ahinga tënë ti bê ti Jéhovah, ala yeke gi ti bâ achangement so afa so mbeni zo akomanse ti changé bê ti lo. Tënë so adoit ti sara si azo kue so azia Jéhovah ahinga so lo ye ala nga lo ye ti tene ala kiri.

10-11. Tongana nyen la a-ancien ayeke gi ti aidé azo so a zi ala ândö na yâ ti congrégation?

¹⁰ Ka ti azo so a zi ala ândö na yâ ti congrégation so peut-être asara angu mingi awe? Peut-être azo so ayeke sara encore ape siokpari so a zi ala na yâ ti congrégation ndali ni. Peut-être ambeni ahinga même ape ye so a zi ala ndali ni. Atâa ye ni ayeke so wa, a-ancien ayeke gi ti hinga ndo so ala yeke dä nga ti sara vizite na ala. Na ngoi ti mara ti avizite tongaso, a-ancien ayeke hunda même na ala ti sambela legeoko na ala nga ti wa ala ti kiri na yâ ti congrégation. Ti vrai ni, tongana mbeni zo ague yongoro na congrégation a sara angu mingi, kite ayeke dä ape so lo woko mingi na lege ti yingo. Tongaso, tongana zo ni atene so lo ye ti kiri na yâ ti congrégation, a-ancien apeut ti leke ti tene mbeni zo amanda Bible na lo atâa so ade a kiri na lo na bungbi ape. Atâa ye ni ayeke so wa, a-ancien la ayeke leke ti tene a manda Bible na zo ni.

 ¹¹ A-ancien ayeke gi ti mû tapande ti Jéhovah so ayeke bâ mawa ti azo. Tongaso, ala yeke gi peko ti azo kue so azia Jéhovah nga ala yeke wa ala ti kiri na lo. Tongana mbeni wasiokpari afa so lo changé bê ti lo nga lo zia lege ti sioni sarango ye ti lo, a peut ti kiri na lo hio na bungbi.—2 aCor. 2:​6-8.

12. (a) Na yâ ti aye wa la a hunda ti tene a-ancien asara hange mingi? (b) Ngbanga ti nyen la a yeke nzoni e pensé ape so Jéhovah apeut ti sara nzoni bê na ambeni wasiokpari ape? (Bâ nga kete tënë na gbe ni.)

¹² Na yâ ti ambeni ye, a-ancien adoit ti sara hange mingi kozo si ala kiri na mbeni zo na bungbi. Na tapande, tongana mbeni zo asara sioni ye na mbeni molenge, wala lo ga apostat wala lo sara ye na mayele ti fâ yâ ti mariage ti lo, a yeke nzoni a-ancien aduti sûr so lo changé bê ti lo biani (Mal. 2:14; 2 Tim. 3:6). Ala doit ti bata aita ti congrégation. Me e doit ti hinga so Jéhovah ayeke yeda ti tene azo kue so asara siokpari si achangé bê ti ala biani nga azia lege ti sioni sarango ye ti ala akiri na lo. Tongaso, atâa so a-ancien aye ti duti sûr so  mbeni zo so asara ye na handa na amba ti lo achangé bê ti lo biani, a yeke nzoni ala pensé ape so Jéhovah apeut lâ oko ape ti sara nzoni bê na mara ti zo tongaso. a—1 Pi. 2:10.

YE SO AITA APEUT TI SARA

13. Kangbi wa la ayeke na popo ti fason so e yeke sara ye na zo so a-ancien asuku na lo nga na zo so a zi lo na yâ ti congrégation?

¹³ Tongana ti so e bâ na yâ ti article so ahon, na ambeni ngoi a yeke tene mbeni tokua a tene so a suku na mbeni zo. Tongana a yeke tongaso, e peut ti ngbâ ti sara songo na lo ndali ti so e hinga so lo changé bê ti lo nga lo zia lege ti sioni sarango ye ti lo awe (1 Tim. 5:20). Lo ngbâ ita na lo bezoin ti tene aita awa lo ti ngbâ ti sara ye so ayeke na lege ni (aHéb. 10:​24, 25). Me ti zo so a zi lo na yâ ti congrégation ayeke tâ nde mingi. E yeke “zia ti sara songo” na lo, e yeke ‘te même kobe na mara ti zo tongaso pëpe.’—1 aCor. 5:11.

14. Tongana nyen la aChrétien apeut ti sara kua na conscience ti ala so Bible afa lege na ni na yâ ti sarango ye ti ala na mbage ti azo so a zi ala na yâ ti congrégation? (Bâ nga foto.)

¹⁴ Eskê ye so e londo ti bâ aye ti fa so e yeke sara biani biani sanka ti mbeni zo so a zi lo na yâ ti congrégation? Ên-ën. Ti tâ tënë ni, e yeke sara songo na lo ape. Me aChrétien apeut ti sara kua na conscience ti ala so Bible afa lege na ni ti bâ wala ala peut ti tisa mbeni zo so a zi lo na yâ ti congrégation, peut-être mbeni fami ti ala wala mbeni ngbene kamarade ti ala, ti ga na bungbi. Ka tongana lo ga na bungbi? Ândö, e yeke bara mara ti zo tongaso ape. Ge nga kue, a yeke na Chrétien oko oko ti sara kua na conscience ti lo so Bible afa lege na ni. A yeke sioni ape na ambeni ita ti bara lo wala ti yamba lo na ngoi so lo ga na bungbi. Ye oko, e yeke sara yongoro lisoro na lo ape wala e yeke mû ngoi ti tene e na lo e sara ambeni ye nde ape.

15. Mara ti awasiokpari wa la a sara tënë ti ala na 2 Jean 9-11? (Bâ nga encadré “ Eskê Jean na Paul ayeke sara lani tënë ti oko siokpari?”)

¹⁵ Ambeni zo apeut ti tene: ‘Bible atene a yeke nzoni e bara ape ambeni wasiokpari.  Tongana e bara ala, e yeke ‘mû mbage na asioni kusala ti ala.’ (Diko 2 Jean 9-11.) Tënë so angoro aversê so afa so wango so abâ a-apostat nga na azo so ayeke pusu azo ti sara asioni ye (Apoc. 2:20). Tongaso, tongana mbeni zo ayeke maï afango ye ti a-apostat wala ambeni sioni sarango ye nde, a-ancien ayeke leke ti sara vizite na lo ape. Tâ tënë, e yeke na beku so li ti lo ayeke kiri dä. Me juska li ti lo akiri dä, e yeke bara lo ape wala e yeke tisa lo ti ga na bungbi ape.

MÛ TAPANDE TI JÉHOVAH SO ABÂ MAWA TI ZO NGA ASARA NZONI BÊ NA ZO

16-17. (a) Nyen la Jéhovah aye ti tene awasiokpari asara? (Ézéchiel 18:32). (b) Tongana nyen la a-ancien apeut ti sara kua maboko na maboko na Jéhovah na ngoi so ala yeke gi ti aidé azo so asara siokpari?

¹⁶ Nyen la e manda na yâ ti a-article oku so? Jéhovah aye ti tene a futi zo oko ape. (Diko Ézéchiel 18:32.) Lo ye ti tene awasiokpari akiri asara songo na lo (2 aCor. 5:20). Ndani la ngbene ye giriri, fani mingi Jéhovah avoro yanga na awakua ti lo so azia lo ti changé bê ti ala na ti kiri na lo. A-ancien ayeke na pasa ti sara kua maboko na maboko na Jéhovah na ngoi so ala yeke gi ti aidé awasiokpari ti changé bê ti ala.—aRom. 2:4; 1 aCor. 3:9.

¹⁷ Imaginé ngia so ayeke na yayu na ngoi so azo so asara siokpari achangé bê ti ala. Lakue tongana mbeni taba so agirisa akiri na yâ ti congrégation, Jéhovah, Babâ ti e ti yayu, ayeke na ngia mingi. Tongana e gbu li na ndö ti asarango ye ti Jéhovah tongana bango mawa ti zo, sarango nzoni bê na zo nga na kota nzobe ti lo, e yeke ye lo mingi.—Luc 1:78.