Abungbi ti fango tënë, tongana tanga ti abungbi ti congrégation kue, ayeke aye so Jéhovah amû na e ti aidé e ti pusu mba ti duti na ndoye na ti sara anzoni kusala (aHb 10:24, 25). A doit ti ninga penze-ngbonga oku wala mbasambala so na yâ ni mo yeke wara kangbingo yâ ti aita, fango territoire nga na sambela. (Tongana a sara bungbi ti fango tënë ni na peko ti mbeni bungbi, a doit ti duti nduru mingi.) Ita so ayeke mû li ni adoit ti leke mbeni ye ti mû maboko na aita so ayeke fa tënë na lango ni so. Na tapande, na samedi tongana mingi ti azo so aga ti sigi afa tënë ape depuis samedi ti so ahon kâ, peut-être a yeke nzoni ti sara lisoro na ndö ti tënë so e lingbi ti tene na mbeni zo. Ambeni tënë wa la alingbi ti duti nzoni ti sara lisoro na ndö ni?

• Mbeni kode ti sarango na lisoro ti Mbeti ti bungbi: Kusala ti e nga na gigi ti e ti Chrétien

• Tongana nyen ti sara kua na mbeni ye so asi wala mbeni fini sango ti to nda ti mbeni lisoro

• Tongana nyen ti kiri tënë na mbeni tënë so azo ayeke tene ka ti kanga lege na e ti fa tënë na ala

• Tongana nyen ti kiri tënë na mbeni zo so atene Nzapa ayeke dä ape, mbeni zo so ayeda na tënë ti évolution, mbeni zo so ayeke tene yanga ti mbeni kodro nde wala mbeni zo so ayeke na yâ ti mbeni bungbi ti nzapa so ayeke mingi na ndo so mo yeke dä ape

• Tongana nyen ti sara kua na mbeni ye so ayeke na ndö ti jw.org, JW Library^® wala ti sara kua na Bible

• Tongana nyen ti sara kua na mbeni mbeti so ayeke na popo ti agbakuru so e yeke fa na ye na azo

• Tongana nyen ti mû mbage na yâ ti mbeni mbilimbili kode ti fango tënë, na tapande fango tënë na téléphone, na lettre, na ndo so azo ayeke dä mingi, sarango avizite wala a-étude

• Adango bê na ndö ti kpengo akpale, changengo lisoro so e leke ti sara, anzoni sarango ye, mbeni nzoni bango ndo wala ambeni ye tongaso

• Mbeni ye ti manda wala mbeni vidéo ti brochure Mû bê ti mo kue na dikongo mbeti nga na fango ye

• Tongana nyen ti encouragé zo so mo na lo asigi na fango tënë nga ti aidé lo

• Mbeni versê so andu kua ti fango tënë wala mbeni ye so asi na fango tënë so alingbi ti kpengba zo