E lingbi pëpe ti kpe achangement, mbilimbili na lâ ti nda ni so (1aC 7:31). Atâa e ku terê ti e na achangement ni wala pëpe, atâa a yeke nzoni wala sioni, achangement alingbi ti sara si vorongo Jéhovah aga ngangu nga abuba songo ti e na lo. Nyen la ayeke mû maboko na e ti lango pëpe na lege ti yingo nga ti ngbâ ti sara kua ti Jéhovah na ngoi so aye achangé? Bâ vidéo Luti nganganga na lege ti yingo na ngoi so mo gue na mbeni kodro nde, na pekoni kiri tënë na ahunda so ge:

• Wango wa la mbeni ita-koli amû na babâ ni?

• Na lege wa la mama-ndia so ayeke na Matthieu 7:25 alingbi na dutingo ti sewa so?

• So sewa ni aleke aye kozo si ala hon, a mû maboko na ala tongana nyen?

• Nyen la amû maboko na sewa ni ti sara ye alingbi na achangement so na yâ ti congrégation nga na yâ ti territoire?

Akota changement wa la mbi sara ade ti ninga ape?

Tongana nyen la mbi lingbi ti sara ye alingbi na amama-ndia so ayeke na yâ ti vidéo so ti lingbi na dutingo ti mbi?