Bible atene na e ti sara ye na ambakoro tongana ababâ ti e wala amama ti e nga na amaseka tongana aita ti e. (Diko 1 Timothée 5:1, 2.) Aita-koli la adoit mbilimbili ti sara ye na aita-wali na nengo zo.

Mbeni ita-koli ayeke zia nzara ti lo pëpe na yâ ti mbeni ita-wali, wala lo yeke sara pëpe mbeni ye so asara si ita-wali ni aduti nzoni ape na terê ti lo (Job 31:1). Mbeni ita-koli so ayeke kumbamba ayeke joué pëpe na ndö ti sentiment ti mbeni ita-wali so ayeke kumbamba na lege so lo sara ye na lo mo bâ mo tene lo ye ti mû lo, me andâ lo ye ti mû lo ape.

Na nzoni bê, a-ancien adoit ti bi bê na aita-wali so na nengo zo ahunda mbeni tënë na ala wala même so atene mbeni tënë so a lingbi a bi lê na ndö ni. A-ancien ayeke bi bê mbilimbili na aita-wali so ayeke na akoli pëpe ti bata ala.—Ru 2:8, 9.

BÂ VIDÉO NGBÂ LAKUE TI SARA YE NA NDOYE NA YÂ TI CONGRÉGATION—NA MBAGE TI AITA SO AYEKE AWALI-MUA NGA NA AMOLENGE SO BABÂ TI ALA AYEKE DÄ APE, NA PEKONI KIRI TËNË NA AHUNDA SO:

• Tongana nyen la aita afa tâ ndoye na mbage ti Ita-wali Myint?

• Tongana nyen la ndoye so aita afa asara si azo asara nzoni tënë ti ala na yâ ti kete kodro ni?

• Ndoye so aita afa asara nyen na ndö ti amolenge ti Ita-wali Myint ti wali?

Ambeni nzoni ye wa la mo lingbi ti sara ti fa so mo bi bê na ndoye na aita-wali na yâ ti congrégation ti mo?