Psaume 124:1-8
Bia ti azo so ayeke monté. Psaume ti David.
124 “Tongana fade Jéhovah ayeke na e pëpe,”+zia azo ti Israël atene fadeso, atene:
2 “Tongana fade Jéhovah ayeke na e pëpe,+na ngoi so azo alondo ti sara bira na e,+
3 ka ala mene e na fini lê ti e+na ngoi so ngonzo asara ala mingi na terê ti e.+
4 Ka fade ngu amû e ahon na ni,nga kota ngu so asua amene e* awe.+
5 Ka fade ngu so asua na ngangu amene e* kue awe.
6 Zia si a sepela Jéhovah,ndali ti so lo zia pëpe si e tï na yanga ti awato ti e so ayeke tongana asioni nyama.
7 E yeke* tongana mbeni ndeke so asigina yâ ti kûkû ti zo ti gbungo ndeke;+yâ ti kûkû ni afâ,na e kpe.+
8 Ye ti mungo maboko na e alondo na lo so iri ti lo ayeke Jéhovah,+Lo so asara yayu na sese.”
