Job 28:1-28
28 “Ndo ti gingo argent ayeke dänga ndo ti zingo saleté ti lor ayeke dä;+
2 a zi wen na gbe ti sesena a chauffé atênë si cuivre so ayeke dä aga ngu.*+
3 Bingo akanga lege na zo pëpe;lo gi ndo ngbii na yâ ti vukongo ndo nga na yâ ti bingo,lo yeke gi atênë ti gbe ti sese.
4 Lo zi dû alï, yongoro na ndo so azo ayeke dä,na ando so azo agirisa na ndö ni awe, yongoro na ndo so azo afono dä;a kanga kamba na terê ti azo si ala descend na ni, na kamba ni agbu ala na ngoi so ala yeke sara kua ni.
5 Na ndö ti sese, kobe ayeke sigi;me na gbe ni, aye abuba mo bâ mo tene wâ si ayeke gbi ye.*
6 Atênë ti kâ ayeke saphir,nga lor ayeke na yâ ti fuku ti sese ni.
7 Andeke ti mungo nyama ahinga lege ti guengo kâ pëpe,na lê ti vuko milan abâ ni pëpe.
8 Angangu nyama ti ngonda ade ti tambela dä pëpe;bamara so akono awe ade ti hara nyama kâ pëpe.
9 Zo apika yâ ti ngangu tênë na maboko ti lo;lo kinda ahoto na gunda ni;
10 lo suru alege ti ngu+ na yâ ti kota tênë ni,lê ti lo atï na ndö ti ye oko oko kue ti ngangu ngere.
11 Lo kanga li ti angu;ye so a honde, lo sigi na ni na lumière.
12 Me zo alingbi ti wara ndara na ndo wa?+
Nga, ngangu ti gbungo nda ti ye alondo na ndo wa?+
13 Zo oko ahinga ngere ni pëpe,+na a lingbi ti wara ni na yâ ti dunia so pëpe.
14 Ngu so alï atene: ‘A yeke na yâ ti mbi pëpe!’
Kota ngu-ingo atene: ‘A yeke na mbi ge pëpe!’+
15 A lingbi pëpe ti vo ni na lor ti nzoni ni,na a lingbi ti haka argent na kilo ti changé na ni pëpe.+
16 A lingbi nga ti vo ni na lor ti Ophir+ pëpewala na onyx nga na saphir ti ngangu ngere.
17 Lor na verre alingbi na ni pëpe;a lingbi ti mû kungba ti lor ti nzoni ni ti changé na ni pëpe.+
18 Corail na cristal asi nga nduru na terê ni pëpe,+ndali ti so ngere ti ndara ahon ngere ti bozo so asi singo na aperle.
19 A lingbi ti haka ni na topaze+ ti Cush pëpe;a lingbi même ti mû lor ti nzoni ni ti vo na ni pëpe.
20 Me ndara alondo na ndo wa?
Ngangu ti gbungo nda ti ye alondo na ndo wa?+
21 A honde ni na lê ti ye kue so ayeke na fini+nga na lê ti andeke so ayeke huru na lê ti nduzu.
22 Ndo so ye afuti dä nga na kuâ atene:
‘E mä gï tënë ni mango na mê.’
23 Nzapa ahinga lege ti warango ni,gï lo oko la lo hinga ndo so a yeke dä,+
24 ndali ti so lo yeke bâ ndo juska na nda ti sese,na lo yeke bâ ye kue so ayeke na gbe ti yayu.+
25 Na ngoi so lo fa ngangu so pupu+ adoit ti ya na ni,*na lo fa konongo ti angu,+
26 nga na ngoi so lo lu ndia ndali ti ngu-nzapa+na lo leke lege ndali ti mbinda ti ngu-nzapa so apika na sungbango ni,+
27 a yeke na ngoi ni so la si lo bâ ndara na lo fa ndani;lo sara si a bâ gigi nga lo tara ni.
28 Na pekoni, lo tene na zo:
‘Bâ, ti kpe mbeto ti Jéhovah ayeke ndara,+nga ti hon yongoro na ye ti sioni ayeke mango yâ ti ye.’”+
Akete tënë na terê ni
^ Na Hébreu: “ayuru.”
^ Âmanke a ye ti sara tënë ti kua ti azo ti gingo amosoro ti gbe ti sese.
^ Na Hébreu: “lo fa nengo ti pupu.”
