YE TI MANDA 47
Eskê mo lingbi awe ti wara batême?
Na lege ti Bible so mo manda, mo hinga aye mingi na ndö ti Jéhovah. Peut-être mo sara ambeni changement ti sara ye alingbi na aye so mo manda. Me peut-être mbeni ye asara si mo kiri na lango ti mungo terê ti mo na Jéhovah nga na batême na peko. Ye ti manda so ayeke sara tënë na ndö ti ambeni kpale so ayeke kanga ka lege na zo ti wara batême nga tongana nyen la mo peut ti hon ndö ni.
1. Aye wa la mo bezoin ti hinga kozo si mo wara batême?
Ti wara batême, mo bezoin ti wara “tâ hingango ye na ndö ti tâ tënë.” (1 Timothée 2:4). So aye ti fa ape so, kozo ti wara batême, mo bezoin ti hinga kiringo tënë na ahunda kue so azo apeut ti hunda na mo. Même aChrétien so awara batême aninga awe angbâ lakue ti manda ye (aColossien 1:9, 10). Me mo bezoin ti hinga akota fango ye ti Bible. A-ancien ayeke aidé mo ti hinga wala aye so mo hinga alingbi awe.
2. Ambeni ye wa la mo bezoin ti sara kozo na batême?
Kozo ti wara batême, mo doit ti ‘changé bê ti mo, nga ti changé lege ti mo’. (Diko Kusala 3:19.) So aye ti fa so vundu asara mo mingi ndali ti asiokpari kue so mo sara nga mo hunda Jéhovah ti pardonné mo. Mo ke nga na bê oko sioni sarango ye nga mo leke na bê ti mo ti sara ye so anzere na Nzapa. Na ndö ni, mo komanse ti gue na abungbi nga ti fa tënë legeoko na congrégation.
3. Ngbanga ti nyen la a yeke nzoni mo zia si mbeto akanga lege na mo ape?
Ambeni zo asara mbeto so ala lingbi ape ti sara ye so ala mû zendo ni na Jéhovah. Tâ tënë, na ambeni ngoi mo yeke sara afaute, même ambeni zo so Bible asara tënë ti ala so ayeke be-ta-zo asara lani afaute. Me Jéhovah ahunda na awakua ti lo ti duti mbilimbili-kue ape. (Diko Psaume 103:13, 14.) Tongana mo sara ye kue so mo peut ti sara, a yeke nzere na lo. Lo yeke mû maboko na mo. Ti tâ tënë ni, Jéhovah adë bê ti e so mbeni ye “alingbi ande ti kangbi e na ndoye ti [lo] pëpe”.—Diko aRomain 8:38, 39.
GI TI HINGA AYE MINGI
Bâ tongana nyen la mo peut ti hon ndö ti akpale kue so akanga lege na mo ti wara batême na lege so mo gi ti hinga Jéhovah nzoni mingi nga ti yeda na mungo maboko ti lo.
4. Gi ti hinga Jéhovah nzoni mingi
Aye wa la mo bezoin ti hinga na ndö ti Jéhovah kozo si mo wara batême? Mo bezoin ti hinga lo nzoni si apusu mo ti ye lo nga ti sara ye so anzere na lo. Zia VIDÉO ni ti bâ tongana nyen la azo so ayeke manda Bible na yâ ti dunia kue asara ni. Na pekoni kiri tënë na hunda so:
-
Na yâ ti vidéo so, nyen la a-aidé ambeni zo ti leke terê ti ala ti wara batême?
Diko aRomain 12:2, na pekoni kiri tënë na ahunda so:
-
Eskê mo yeke na mbeni kite na ndö ti aye so Bible afa wala mo yeke na kite so aTémoin ti Jéhovah ayeke fa tâ tënë?
-
Tongana a yeke tongaso, nyen la mo peut ti sara?
5. Hon ndö ti aye so apeut ti kanga lege na mo ti wara batême
E kue, na ngoi so e mû desizion ti mû terê ti e na Jéhovah nga ti wara batême, e wara akpale. Ti bâ mbeni tapande ni, zia VIDÉO ni, na pekoni kiri tënë na ahunda so:
-
Na yâ ti vidéo so, akpale wa la Narangerel adoit ti hon ndö ni ti sara na Jéhovah?
-
Tongana nyen la yengo so lo ye na Jéhovah a-aidé lo ti hon ndö ti akpale so?
Diko aProverbe 29:25 nga na 2 Timothée 1:7, na pekoni kiri tënë na hunda so:
-
Nyen la ayeke mû na e ngangu ti hon ndö ti akpale?
6. Sara confiance na mungo maboko ti Jéhovah
Jéhovah ayeke aidé mo ti sara ye so anzere na lo. Zia VIDEO ni, na pekoni kiri tënë na ahunda so:
-
Na yâ ti vidéo so, nyen la asara si wamandango Bible so akiri na lango ti batême ti lo na peko?
-
Nyen la lo manda so a-aidé lo ti sara confiance mingi na Jéhovah?
Diko Ésaïe 41:10, 13, na pekoni kiri tënë na hunda so:
-
Ngbanga ti nyen la mo peut ti duti na confiance so mo peut ti sara ye alingbi na zendo so mo mû na ngoi so mo mû terê ti mo na Nzapa?
7. Kiri singila mingi na Jéhovah ndali ti ndoye ti lo
Tongana mo gbu li mingi na ndö ti tongana nyen la Jéhovah aye mo, mo yeke kiri singila mingi na lo nga mo yeke ye ti sara na lo lakue lakue. Diko Psaume 40:5, na pekoni kiri tënë na hunda so:
-
Anzoni ye wa so alondo na Jéhovah mo kiri singila ndali ni mingi?
Prophète Jérémie aye Jéhovah nga na tënë ti lo, nga lo kiri singila mingi so iri ti Jéhovah ayeke na ndö ti lo. Lo tene: “Mbi wara atënë ti mo, na mbi te ni awe, tënë ti mo aga ye so asara si mbi yeke na ngia, ye so asara si bê ti mbi anzere. Ndali ti so iri ti mo, Jéhovah ti aturugu, ayeke na ndö ti mbi.” (Jérémie 15:16). Kiri tënë na ahunda so:
-
Ngbanga ti nyen la ti duti mbeni Témoin ti Jéhovah ayeke mbeni kota pasa?
-
Eskê mo ye ti wara batême ti ga Témoin ti Jéhovah?
-
Eskê mbeni ye ayeke kanga lege na mo ti sara ni?
-
Mo pensé nyen la mo bezoin ti sara ti wara batême?
AMBENI ZO ATENE: “Mbeto asara mbi so mbi peut pëpe ti sara ye kue so mbi deba yanga ti sara tongana mbi wara batême.”
-
Tënë ti bê ti mo la?
NA NDURU TËNË
Grâce na aide ti Jéhovah, mo peut ti hon ndö ti akpale kue so akanga lege na mo ti wara batême.
Dango bê
-
Aye wa la mo bezoin ti hinga na ndö ti Bible kozo si mo wara batême?
-
Achangement wa la mo bezoin ti sara kozo si mo lingbi ti wara batême?
-
Ngbanga ti nyen la a yeke nzoni mo zia si mbeto akanga lege na mo ape?
GI NDA TI YE
Bâ nyen la adoit ti sara si mo mû desizion ti wara batême.
“Eskê mo leke terê ti mo nzoni awe ti wara batême?” (Tour ti Ba Ndo ti mars 2020)
Gi ti hinga tongana nyen ti hon ndö ti ambilimbili kpale so apeut ti kanga lege na mo ti wara batême.
“Nyen la akanga lege na mo ti wara batême?” (Tour ti Ba Ndo ti mars 2019)
Bâ tongana nyen la mbeni koli ahon ndö ti ambeni ngangu kpale ti wara batême.
Na tonga nda ni, mbeni koli so iri ti lo ayeke Ataa asara mbeto ti wara batême. Bâ ye so apusu lo ti sara kpengba ye so.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
