Jéhovah aye ti tene e hinga ye na ndö ti sewa ti lo so ayeke na yayu. Na yâ ti sewa so mo yeke wara a-ange, so a iri ala “amolenge ti Nzapa”. (Job 38:7). Bible atene nyen na ndö ti a-ange? Kua ti a-ange ayeke nyen? Eskê a-ange kue la ayeke na yâ ti sewa ti Nzapa?

1. A-ange ayeke azo wa?

Jéhovah acréé a-ange kozo ti créé sese. Legeoko tongana lo, ala yeke acréature ti yingo so ayeke na yayu so zo apeut ti bâ ala ape (aHébreu 1:14). A-ange ayeke kutu mingi, na ala kue ayeke nde nde (Apocalypse 5:11). Ala yeke “sara ye alingbi na tënë ti [Jéhovah] nga [ala yeke] mä yanga ti lo.” (Psaume 103:20). Ândö, na ambeni ngoi, Jéhovah ayeke tokua a-ange ti tene atokua ti lo na azo ti lo, ti mû maboko na ala nga ti sö ala. Laso, a-ange ayeke fa lege na aChrétien ti gue na mbage ti azo so aye ti hinga ye na ndö ti Nzapa.

2. Satan na asioni yingo ti lo ayeke azo wa?

Ambeni ange angbâ lani be-ta-zo na Jéhovah ape. Kozo ange so asara kpengbango-li ayeke “lo so a iri lo Zabolo na Satan, lo so lo yeke handa azo na ndö ti sese kue”. (Apocalypse 12:9). Satan aye lani ti komande azo, tongaso lo handa kozo koli na kozo wali, nga ambeni ngoi na pekoni lo handa même ambeni ange ti sara nga kpengbango-li. A iri a-ange so asara kpengbango-li so asioni yingo. Jéhovah asara si a tomba ala na yayu kâ a bi ala na sese, na a yeke futi ande ala.—Diko Apocalypse 12:9, 12.

3. Satan na asioni yingo ayeke gi ti handa e tongana nyen?

Satan na asioni yingo ahanda azo mingi na lege ti sarango yorö, so ti tene, gingo ti sara lisoro na asioni yingo, so ayeke sioni mingi. Na tapande, ambeni zo ayeke gue ti bâ azo ti gingo nda ti aye na lege ti atongoro, azo ti fango aye so ayeke si ande nga na anganga. Ambeni ayeke gi ti sava kobela ti ala na lege ti aye so andu sarango yorö. A handa nga ambeni zo ti yeda so ala peut ti sara tënë na akuâ. Me Jéhovah agboto mê ti e, atene: “Ala gue pëpe na azo ti sarango tënë na yingo ti akuâ, nga azo ti fango aye so ayeke si ande na zo.” (Lévitique 19:31). Lo mû na e wango so ti bata e si Satan na asioni yingo asara sioni na e ape. Ala yeke awato ti Nzapa, na ala ye ti sara sioni na e.

 GI TI HINGA AYE MINGI

6. Sö benda na ndö ti Satan na asioni yingo ti lo

Satan ayeke mokonzi ti asioni yingo. Me zo so ayeke na li ti a-ange so ayeke be-ta-zo ayeke archange Michel, so ayeke nga mbeni iri ti Jésus. Eskê Michel ayeke na ngangu mingi? Diko Apocalypse 12:7-9, na pekoni kiri tënë na ahunda so:

• Azo wa la ayeke na ngangu mingi? Michel na a-ange ti lo wala Satan na asioni yingo ti lo?

• Mo pensé so adisciple ti Jésus abezoin ti sara mbeto ti Satan na asioni yingo ti lo?

Mo peut ti sö benda na ndö ti Satan na asioni yingo ti lo. Diko Jacques 4:7, na pekoni kiri tënë na hunda so:

• Tongana nyen la mo peut ti bata terê ti mo si Satan na asioni yingo asara sioni na mo ape?

 NA NDURU TËNË

A-ange so ayeke be-ta-zo ayeke mû maboko na e. Satan na asioni yingo ti lo ayeke awato ti Jéhovah, na ala yeke handa azo na lege ti sarango yorö.

Dango bê

• Tongana nyen la a-ange ti Jéhovah ayeke aidé azo ti hinga lo?

• Satan na asioni yingo ti lo ayeke azo wa?

• Ngbanga ti nyen la mo ye ti sara yorö ape?