Tongana e ye ti nzere na lê ti Jéhovah, a lingbi e mä nga yanga ti mbeni zo so ayeke kota mingi. Kozoni si lo créé Adam, Jéhovah acréé lani na yayu mbeni ange so ayeke ngangu mingi.

Angu mingi na pekoni, Jéhovah azia fini ti ange so na yâ ti Marie so ade ti hinga koli pëpe na Marie adü lo na Bethléhem. A zia iri ti lo Jésus.​—Jean 6:38.

So lo yeke zo na ndö ti sese, asarango ye ti terê ti Jésus ayeke tongana ti Nzapa. Lo sara ye na nzoni bê, lo ndoye azo nga azo aye mingi ti ga nduru na lo. Na mbeto pëpe, lo fa na azo tâ tënë na ndö ti Jéhovah.

Jésus asava nga azo ti kobela na lo zingo ambeni zo so akui.

Akota zo ti nzapa ti aJuif ake Jésus ngbanga ti so lo fa nda ti mvene ti ala nga lo sigi na nda ti ala.

Akota zo ti nzapa ti aJuif apusu aRomain si ala pika Jésus na ala fâ lo.