E aTémoin ti Jéhovah, e ye mingi ti sara lisoro na azo ti abungbi ti nzapa kue na ndö ti atënë ti mabe, me e yeke sara beoko pëpe na azo so mabe ti e na ala ayeke nde na lege so e na ala e voro Nzapa ndo oko. Bible afa so atâ Chrétien “abungbi oko na yâ ti mango terê”, na kota ye so abungbi ala oko ayeke aye so ala mä na bê na ni (aÉphésien 4:16; 1 aCorinthien 1:10; aPhilippien 2:2). Ye so andu aye mingi ahon gï ti duti na oko bango ndo na ndö ti aye tongana ndoye, bango mawa ti zo nga na pardonengo zo. Ye so e mä na bê na ni aluti na ndö ti tâ hingango ye so ayeke na yâ ti Bible, sân ni mabe ti e ayeke ye oko ape (aRomain 10:2, 3).

 Ti voro Nzapa ndo oko na azo so mabe ti e ayeke nde na ti ala, Bible ahaka ni na dutingo na gbe ti joug oko so alingbi terê pëpe, ye so a yeke sara sioni na mabe ti e (2 aCorinthien 6:14-17). Ni la, Jésus ahunda na adisciple ti lo ti sara beoko pëpe na ambeni bungbi ti nzapa (Matthieu 12:30; Jean 14:6). Legeoko nga, na yâ ti Ndia so Nzapa amû lani na lege ti Moïse, a ke na azo ti Israël ti bungbi legeoko na amara so ayeke nduru na ala ti voro Nzapa (Exode 34:11-14). Kete na pekoni, azo ti Israël so ayeke be-ta-zo ake mungo maboko ti ambeni zo ti nzapa nde so apeut ti sara si beoko aga na popo ti ala (Esdras 4:1-3).

 En. Ni la, na ngu 2023, e fa tënë na azo teti al’heure 1 791 490 713. Tongana ti bazengele Paul, e gi ti comprendre apensé nga na aye so “mingi ti azo” amä na bê na ni na yâ ti kua ti fango tënë ti e (1 aCorinthien 9:19-22). Tongana e yeke sara lisoro na azo, e yeke sara ngangu kue ti sara ye alingbi na wango ti Bible so a hunda na e ti ‘ne azo mingi.” (1 Pierre 3:15).