Lero, majornali, radhyo, televizau na Interneti pisaphatisirwa toera kumwaza mphangwa mwakucimbiza, kuphatanizambo mphangwa zauthambi. Mbwenye ale analambira ‘Mulungu analonga undimomwene’ nee asafunika kumwaza mphangwa zauthambi. (Masal. 31:5; Eks. 23:1) Kumwaza mphangwa zauthambi kunakwanisa kuphekesa anthu azinji. Khala musafuna kupanga munthu unango mphangwa zidabva imwe, bvundzikani:

• ‘Kodi mphangwa zenezi ndi zakunyindirika?’ Thangwi panango munthu adakupangani mphangwa zenezi nee asadziwa ponsene pidacitika. Kusiyapo pyenepi, kazinji kene munthu angapanga anango mphangwa zidabva iye asazicinja. Natenepa, tisafunika kucita mphole-mphole kupanga anango mphangwa zakuti nee tisazidziwa mwadidi. Pontho ale akuti ali na miyai yakutumikira mu mpingo asafunika kucita mphole-mphole na mphangwa zinapanga iwo anango

• ‘Kodi mphangwa zenezi zinapswipisa makhaliro a munthu unango?’ Khala mphangwa zidabva imwe zinapswipisa makhaliro a munthu unango, mphyadidi kukhonda kuzilonga.—Mis. 18:8; Afil. 4:8

• ‘Kodi mphangwa zenezi ndi zandimomwene?’ Citani mphole-mphole na mphangwa zinabva imwe

ONANI VIDHYU YA NSOLO WAKUTI LEKANI KULONGA MAPSWEDA, BULUKA PENEPO TAWIRANI MIBVUNDZO IYI:

• Mwakubverana na Misangani 12:18, thangwi yanji tisafunika kucita mphole-mphole na mafala athu?

• Lemba ya Afilipi 2:4 inatiphedza tani mu ndzidzi unalonga ife anango?

• Tisafunika kucitanji khala ndzathu atoma kulonga mwakuipa munthu unango?

• Tisafunika kubvundzikanji mbatidzati kulonga anango?