WANGISIRANI KUPEREKA UMBONI WAKUPHATA NTIMA MU UTUMIKI
Kuthimizira Maluso Athu Mu Utumiki—Kulemba Maperekero Anu Aumboni a Marevista
THANGWI YANJI MPHYAKUFUNIKA: Maseze maperekero aumboni anagumanika mu programu ya misonkhano asapereka maonero akuphedza, anewa ndi pipangizo basi. Imwe musafunika kuphatisira mafala anu. Munakwanisa kusankhula njira yakusiyana peno nkhani inaona imwe kukhala yakuphata basa n’cisa canu. Khala ndi tenepo, mungamala kuleri revista, kudinga maperekero aumboni, na kuona vidyu ya maperekero aumboni, munakwanisa kuphatisira maonero anatowera toera kulemba peno kukhunganya maperekero anu aumboni.
MUNACITA TANI PYENEPI:
Bvundzikani, ‘Kodi ndisafuna kuphatisira ibodzi mwa maperekero aumboni?’
INDE
-
Khunganyani mafala anu akutoma. Pakumala kumwanyika, longani cifuniro ca ulendo wanu. (Mwacitsandzo: “Ndiri pano thangwi . . . ”)
-
Dingani pinafuna imwe kulonga pakumala kucita mbvundzo, kuleri lemba na mafala akumalisa. (Mwacitsandzo: Toera kuleri lemba munakwanisa kulonga, “Tinakwanisa kugumana ntawiro wakutsandzayisa wa mbvundzo unoyu apa.”)
NKHABE
-
Sankhulani nsolo udakukomerani mu revista wakuti unakomeresambo anthu a n’cisa canu
-
Khunganyikani mbvundzo wakuti unacitisa mwanaciro nyumba kunyerezera na kupereka maonero ace, mbwenye lekani kucita mbvundzo toera kumpasa manyadzo. (Mwacitsandzo: Mibvundzo inagumanika pa tsamba 2 ya marevista.)
-
Sankhulani lemba toera kuileri. (Khala mukugawira Despertai! munasankhula kuleri lemba peno nkhabe, nakuti revista ineyi yacitirwa ale ali na cidziwiso cakucepa ca Bhibhlya, pontho kuti asapenula pya uphemberi.)
-
Sankhulani fraze ibodzi peno mawiri anafokotoza kuti mwanaciro nyumba anaphindula tani mukuleri nsolo unoyu
MUNJIRA ZONSENE
-
Khunganyikani mbvundzo toera kuutawira pa ulendo wakubwereza
-
Lembani pinthu pingasi toera kukuphedzani kukumbuka pinafuna imwe kulonga pa ulendo unango
