Mafala Akutoma a Khundu 9
Mafala Akutoma a Khundu 9
Misolo inatowera tinapfundza thangwi ya aphale na atsikana, aprofeta na amambo akuti apangiza cikhulupiro cakuwanga kuna Yahova. Ku Sirya kukhali na ntsikana wang’ono wa ku Izraeli wakuti akhakhulupira kuti mprofeta wa Yahova mbadawangisa Namani. Mprofeta Elizeu akhanyindira kuti Yahova mbadampulumusa m’manja mwa anyamalwa ace. Nyantsembe Wankulu Yeoyadha aikha umaso wace pangozwi toera kutsidzikiza m’phale Yeowasi kuti akhonde phiwa na yavu wace, Ataliya. Mambo Ezekiya akhanyindira kuti Yahova mbadatsidzikiza nzinda wa Yerusalemu, pontho iye nee acita pikhafuna Asirya. Mambo Yosiya afudza madzimunthu mu dziko, asasanyira templo mbaphedza mbumba toera kulambira pontho Yahova.
[Bokosi pa tsamba 123]
PINAFUNA IFE KUPFUNDZA
◼ Anang’ono anakwanisambo kupanga anango thangwi ya Yahova.
◼ Tingawangisira toera kucita pinthu pyadidi, Yahova anatiphedza.
◼ Ninga Yona, tisafunika kubvera pitsogolero pya Yahova mbatikhonda kudungunya pinthu pingakhonda kucitika ninga mukhapifunira ife.
MU KHUNDU INO
NSOLO 51
Namani na Ntsikana Wang’ono wa ku Izraeli
Ntsikana Wang’ono wa ku Izraeli ali kulonga pya mphambvu ikulu ya Yahova, buluka penepo pacitika cirengo cikulu.
NSOLO 52
Anyankhondo Amphambvu a Yahova
Ntumiki wa Elizeu adzindikira kuti nee akhafunikabve kugopa anyamalwa awo, ‘thangwi iwo akhali na azinji kukhundu yawo kupiringana anyamalwa awo.’
NSOLO 53
Yeoyadha Akhali Wacipapo
Nyantsembe wakukhulupirika acita pinthu mwacipapo pyakuti pikhali pyakusiyana na pikhafuna mambo wankazi.
NSOLO 54
Yahova Abvera Ntsisi Yona
Thangwi yanji mprofeta wa Mulungu amezwa na ntsomba ikulu? Pontho iye abuluka tani m’mimba mwa ntsomba ineyi? Yahova akhafuna kumpfundzisanji?
NSOLO 55
Anju wa Yahova Atsidzikiza Ezekiya
Anyamalwa a Yuda alonga kuti Yahova nee anatsidzikiza mbumba yace, mbwenye iwo akhadaphonyeka!
NSOLO 56
Yosiya Akhafuna Mwambo wa Mulungu
Yosiya akhala mambo pikhali iye na pyaka pisere, pontho aphedza mbumba toera kulambira Yahova.
