KHUNDU 7
Kulamuka Kwa Akufa Kwa Yezu Mpaka Kumangwa Kwa Paulu
Pa ntsiku yacitatu pakumala kufa kwace, Yezu alamuswa kwa akufa. Pa ntsiku ineire iye aonekera kwa atowereri ace m’midzidzi mixanu yakusiyana. Yezu apitiriza na kuonekera kwa iwo m’ntsiku 40. Kubuka penepo, anyakupfunzace angasi mbakayang’ana, Yezu akwira kudzulu. Pakupita ntsiku khumi Mulungu akhutula nzimu wakucena kwa atowereri a Yezu akadikhira ku Yerusalemu.
Patsogolo pace, anyamalwa a Mulungu acitisa kuti apostolo aponywe nkaidi, mbwenye anju aasudzula. Nyakupfunza Setifano aponyerwa miyala na apingizi mpaka kufa. Mbwenye tinadzapfunza kuti Yezu asankhula tani mbodzi wa apingizi aneale towera akhale nzakazi wace wakupambulika, na iye adzakhala mpostolo Paulu. Buluka penepo, mudapita piaka pitatu na miyezi mitanthatu Yezu mbadamala kufa, Mulungu atuma mpostolo Pedru kuti akamwaze mphangwa kwa okhonda khala Muyuda Korneliyo na ammudzi wace.
Cifupi na piaka 13 ndulimu, Paulu atoma ulendo wace wakutoma wa kumwaza mphangwa. Pa ulendo wace waciwiri Timoti agumanyikana na Paulu. Tinadzapfunza kuti Paulu na anzace a ulendo akhala tani na midzidzi izinji yakutsanzaya m’basa ya Mulungu. Pakumalisira, Paulu aikhwa nkaidi ku Roma. Pakupita piaka piwiri iye asudzulwa, mbwenye buluka penepo iye aikhwa pontho nkaidi na aphiwa. Pyakucitika pya KHUNDU 7 pyacitika m’nzidzi wakupiringa piaka 32.
MU KHUNDU INO
MBIRI 102
Yezu Ali Maso
Anju abulusa mwala mbasiya nthumbi ya Yezu bwandzu. Anyankhondo akhaionera adzumatirwa kakamwe pidayang’ana iwo nkati.
MBIRI 103
M’kwartu Yakufungwa Na Mphinga
Thangwi yanji anyakupfundza a Yezu nee akwanisa kundzindikira pidamala iye kulamuswa muli akufa?
MBIRI 104
Yezu Abwerera Kudzulu
Yezu mbadzati kuenda kudzulu, iye apasa anyakupfundzace ntemo ubodzi wakumalisa.
MBIRI 105
Kudikhira M’yerusalemu
Thangwi yanji Yezu atsanulira nzimu wakucena anyakupfundza pa Pentekoste?
MBIRI 106
Kusudzulwa Nkaidi
Atsogoleri auphemberi Waciyuda aikha nkaidi apostolo toera akhonde kumwaza mphangwa, mbwenye Mulungu akhali na maonero akusiyana.
MBIRI 107
Setifano Aponyerwa Miyala
Mu ndzidzi ukhaphiwa iye, Estevau acita phembero yakudzumatirisa.
MBIRI 108
Pa Nseu Wa Ku Damasiku
Ceza cikulu cakuti mbacidacitisa munthu kukhala boliboli na fala yakubuluka kudzulu pyacinja umaso wa Saulo.
MBIRI 109
Pedru Aenda Kaona Korineri
Kodi Mulungu asaona anthu a dzindza ibodzi kukhala akufunika kakamwe kupiringana a dzindza inango?
MBIRI 110
Timoti—mphedzi Mupswa Wa Paulu
Timoti asiya nyumba ikakhala iye toera kucita ulendo wakutsandzayisa kakamwe pabodzi na Paulu.
MBIRI 111
Mphale Adagona
Eutiko aphatwa na citulo mbagona mu ndzidzi ukhacita Paulu nkhani yace yakutoma, mbwenye nee agonabve pikhacita Paulu nkhani yace yaciwiri. Pakati pa nkhani zenezi ziwiri pacitika cirengo cikulu.
MBIRI 112
Kulobzweka Pa Ntsuwa
Mu ndzidzi ukhali iye wakusowa cidikhiro, Paulu atambira mphangwa zakubuluka kuna Mulungu zakuti zampasa cidikhiro.
MBIRI 113
Paulu Ku Roma
Mpostolo Paulu akwanisa tani kucita basa yace ninga mpostolo mu ndzidzi ukhali iye nkaidi?
